پشاور : مبینہ خواجہ سرا کی لڑکی سے شادی کرنے کی کوشش ناکام ہوگئی، پولیس نے طالبہ کو بازیاب کراو کر خواجہ سرا افتخار کو گرفتار کرلیا۔
تفصیلات کے مطابق پشاور میں خواجہ سرا اغوا کار بن گیا، چمکنی پولیس اسٹیشن کی حدود میں مبینہ خواجہ سرا نے سوشل میڈیا پر مدرسے کی طلبہ سے دوستی کی ، جس کے بعد لڑکی کو شادی کا جھانسا دے کر اپنے ڈیرے پر بلایا۔
بعد ازاں لڑکی کی گمشدگی کی ایف آئی آر درج کرائی گئی، پولیس کے درج مقدمے کے تحت لڑکی گھرسے مدرسے کے لیے نکلی تھی جو واپس نہ لوٹی۔
- Advertisement -
پولیس کے مطابق مرد خواجہ سرا پیشے کے لحاظ سے نرس ہے، پولیس نے اکتوبر میں گھر سے لاپتہ ہونے والی طالبہ کو ڈیرے سے بازیاب کراو کر افتخار کو گرفتار کرلیا۔
پولیس نے لڑکی کا بیان ریکارڈ کرنے کے بعد اسے دارالعلوم منتقل کر دیا جبکہ گرفتار افتخار سے تحقیقات کا آغاز کر دیا۔
