تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

جامعہ کراچی میں اساتذہ اور طلبہ نے عطارد کے سورج کے سامنے سے گزرنے کا مشاہدہ کیا

کراچی: جامعہ کراچی کی فلکیاتی رصد گاہ میں موجود اساتذہ، طلبہ اور  دیگر افراد نے آج نظامِ شمسی کے سیارہ عطارد  کے سورج کے سامنے سے گزرنے کا نظارہ کیا۔ اب یہ منظر 2032 میں دیکھنے کو ملے گا۔

سورج کے سامنے سے عطارد کے گزرنے کا یہ منظر  جامعہ کراچی میں حال ہی میں نصب کی جانے والی 16 انچ میڈ ٹیلی اسکوپ کی مدد سے دیکھا گیا۔

جامعہ کراچی کے انسٹی ٹیوٹ آف اسپیس اینڈ پلینٹری اسٹروفزکس (اسپا) کے اسسٹنٹ پروفیسر ڈاکٹر سید تنویر اقبال کے مطابق عطارد کا ٹرانزٹ پاکستانی وقت کے مطابق 5 بج کر 34 منٹ پر شروع ہوا اور  سورج کے عین وسط میں 5 بج کر 44 منٹ پر  پہنچا جب کہ غروبِ آفتاب پانچ بج کر 46 منٹ تھا۔

واضح رہے کہ عطارد کا سورج کے گرد ایک چکر 88 زمینی دنوں کے برابر  ہوتا ہے اور  جب سیارہ عطارد اور  زمین سورج کے ساتھ ایک سیدھ میں آجاتے ہیں تو  ایسا منظر  دیکھنے کو ملتا ہے۔ ماہرین کے مطابق یہ نظارہ ایک صدی کے دوران 13 سے 14 بار کیا جاسکتا ہے۔

Comments

- Advertisement -