The news is by your side.

Advertisement

ٹرانسپرنسی انٹرنیشنل نے چیئرمین نیب کو خراج تحسین پیش کر دیا

اسلام آباد: ٹرانسپرنسی انٹرنیشنل نے نیب کارکردگی کی رپورٹ جاری کر دی، ادارے نے اپنی رپورٹ میں چیئرمین نیب کو خراج تحسین پیش کر دیا ہے۔

تفصیلات کے مطابق ٹرانسپرنسی انٹرنیشنل نے نیب کارکردگی سے متعلق اپنی رپورٹ میں کہا ہے کہ چیئرمین نیب جاوید اقبال کی قیادت میں نیب نے بہترین کارکردگی کا مظاہرہ کیا۔

آج 23 جنوری کو جاری کی جانے والی ٹی آئی رپورٹ سال 2019 کی کارکردگی سے متعلق ہے، چیئرمین نیب کو ٹرانسپرنسی انٹرنیشنل نے رپورٹ میں خراج تحسین پیش کرتے ہوئے کہا ہے کہ نیب کمبائنڈ انویسٹی گیشن ٹیم نے کیسز میں شان دار کارکردگی دکھائی۔

ٹی آئی رپورٹ کے مطابق کمبائنڈ انویسٹی گیشن ٹیم نے عدل و انصاف کے تقاضوں کو پورا کیا، نیب نے بدعنوان عناصر سے 153 بلین روپے کی ریکوری بھی کی، نیب کی جانب سے 530 ریفرنسز دائر کیے گئے، احتساب عدالتوں میں مجموعی طور پر سزاؤں کا تناسب 70 فی صد رہا، نیب کی جانب سے بدعنوانی کے خلاف قابل تعریف آگاہی مہم بھی چلائی گئی۔

خیال رہے کہ ٹرانسپیرنسی انٹرنیشنل نے اپنی رپورٹ میں بتایا ہے کہ پاکستان میں گزشتہ سال کرپشن میں ایک پوائنٹ کا اضافہ ہوا، پاکستان کا گراف نیچے آیا، 2018 میں پاکستان کا اسکور 33 تھا، اب پاکستان 32 ویں نمبر پر آ گیا ہے، جب کہ ٹرانسپرنسی انٹرنیشنل کی کرپشن پرسیپشن انڈیکس میں پاکستان کا رینک 120 ہے۔ رپورٹ میں کہا گیا ہے کہ زیادہ تر ممالک کی کرپشن کم کرنے میں کارکردگی بہتر نہیں رہی۔

ادھر سندھ کے وزیر اطلاعات سعید غنی نے ٹرانسپرنسی انٹرنیشنل رپورٹ پر ردِ عمل ظاہر کرتے ہوئے کہا ہے کہ 10 سال بعد ملک کا ٹرانسپرنسی انڈیکس تنزلی کا شکار ہوا، رپورٹ اس امر کا ثبوت ہے کہ ملک میں اس سال کرپشن میں اضافہ ہوا، مہنگائی و بے روزگاری نے گزشتہ ایک سال میں غریب کی کمر توڑی، ٹی آئی رپورٹ نے وزیر اعظم کے دعوؤں کو بھی بے نقاب کر دیا، ڈیڑھ سال میں ملک ہر حوالے سے پیچھے چلا گیا۔

fb-share-icon0
Tweet 20

Comments

comments

یہ بھی پڑھیں