کراچی میں ہیوی ٹرانسپورٹرز نے گاڑیوں کی پکڑ دھکڑ کیخلاف بندرگاہوں سے مال اٹھانا بند کر دیا۔
گڈز ٹرانسپورٹرز کے کام بند کرنے سے بندرگاہوں پر امپورٹ کے کنٹینرز بڑی تعداد میں جمع ہوگئے ہیں۔ ٹرانسپورٹرز نے مال بردار ہیوی گاڑیوں کو بندرگاہوں، گوداموں اور اڈوں پر کھڑا کر دیا ہے۔
سیکرٹری کراچی گڈز ایسوسی ایشن کا کہنا ہے کہ کےپی ٹی اور پورٹ قاسم سے آج مکمل طور پرکام بند کر دیا ہے۔ کےآئی سی ٹی، ایس اےپی ٹی، کے جی ٹی ایل سے روز 7ہزار گاڑیاں ان آؤٹ ہوتی ہیں۔
ان کا کہنا تھا کہ پورٹ قاسم سے روازنہ 3 ہزار ہیوی گاڑیاں ان اور آؤٹ ہوتی ہیں ہزاروں کی تعداد میں گڈز گاڑیوں کی فٹنس کے کام کےلیے وقت دیا جائے، ٹریکر، کیمرے اور دیگر چیزیں نصب کرنے میں دو سے تین لاکھ کا خرچہ ہے۔
امداد نقوی نے کہا کہ ٹرانسپورٹرز سندھ حکومت کی طرف جاری تمام احکامات ماننے کو تیار ہیں لیکن پولیس نے ہماری 300 کے قریب گاڑیاں فٹنس کے نام پر پکڑی ہیں۔
نائب صدرایف پی سی سی آئی کا کہنا ہے کہ حکومت ٹرانسپورٹرز کو گاڑیوں کی فٹنس کیلئے وقت دے۔
