پشاور:صوبائی وزیر تیمور سلیم جھگڑا کا کہنا ہے کہ تمام ویکسی نیشن سینٹرز میں بوسٹرڈوز مفت دستیاب ہے تاہم بیرون ممالک سفر کرنے والے افراد کیلئے بوسٹر ڈوز پر پیسے چارج ہوں گے۔
تفصیلات کے مطابق صوبائی وزیر تیمور سلیم جھگڑا نے کورونا صورتحال کے حوالے سے اپنے بیان میں کہا ہے کہ تمام ویکسی نیشن سینٹرزمیں بوسٹرڈوز کاآغازکیا جارہا ہے، بوسٹر ڈوز تیس سال سے زائد عمر کے افراد کیلئے ہے۔
تیمورجھگڑا کا کہنا تھا کہ 50سال سےزائدعمرکے افراد ، طبی عملے اور کم قوت مدافعت والے افراد کیلئے بوسٹر ڈوز مفت ہے تاہم بیرون ممالک سفر کرنے والے افراد کیلئے بوسٹر ڈوز پر پیسے چارج ہوں گے۔
صوبائی وزیر نے مزید کہا کہ اومیکرون سےبچنےکیلئےویکسی نیشن لازمی ہے۔
خیال رہے ملک میں اومیکرون کے کیسز کے پھیلاؤ پر قابو پانے کے لیےمیں بوسٹر ڈوز لگانے کا آغاز ہوگیا ہے ، این سی او سی کا کہنا ہے کہ بوسٹرڈوز کورونا ویکسین کی آخری خوراک سے چھ ماہ کے وقفے کے بعد لگائی جائے گی۔
این سی او سی کے مطابق اومیکرون کے بڑھتے کیسزکےباعث ایس اوپیزپرعمل کیا جائے، عوام ماسک پہنیں، ویکسی نیشن اور بوسٹرڈوزلگوائیں۔۔
