واشنگٹن : امریکی صدر ڈونلڈ ٹرمپ نےسفری حکم نامے کی معطلی کے فیصلے کےخلاف عدالت میں اپیل دائرکردی۔
تفصیلات کےمطابق امریکہ میں سفری حکم نامے کی معطلی کےخلاف ٹرمپ انتظامیہ کی جانب سے اپیل ریاست میری لینڈ کی عدالت میںن دائر کی گئی۔
امریکی ذرائع ابلاغ کےمطابق یہ اپیل محکمہ انصاف کی جانب سے دائر کی گئی ہےجس کی سماعت ورجینیا کی وفاقی اپیلز کورٹ میں ہوگی۔
دوسری جانب امریکی صدر ڈونلڈ ٹرمپ کاکہناہےکہ سفری پابندیاں لگا کر دہشت گردوں کو امریکہ سے دور رکھ کرقومی سلامتی کو محفوظ بنایاجاسکےگا۔
مزید پڑھیں : سفری پابندی کےحکم نامہ پر ہار نہیں مانوں گا،ڈونلڈٹرمپ
خیال رہےکہ دوروز قبل امریکی صدر ڈونلڈ ٹرمپ نےکہاتھاکہ سفری پابندی کے حکم نامے پر ہار نہیں مانوں گا،سفری پابندیوں کامعاملہ امریکی سلامتی کا ہے۔
مزید پڑھیں:ڈونلڈٹرمپ کاسفری پابندی سے متعلق نیاحکم نامہ معطل
امریکی ریاست ہوائی میں وفاقی جج ڈیریک واٹسن نےگزشتہ دنوںڈونلڈٹرمپ کی جانب سے نئی سفری پابندی کا حکم نامہ معطل کردیاتھا۔
یاد رہےکہ ڈونلڈ ٹرمپ نے رواں ماہ کے آغاز پر اس نئے صدارتی حکم نامے پر دستخط کیے تھے جس کے مطابق چھ مسلم ممالک کے شہریوں پر 90 دن کے لیے پابندی لگا دی گئی تھی۔
واضح رہےکہ امریکی صدر کی جانب سےنئے حکم نامے کے مطابق ایران، لیبیا، شام، صومالیہ، سوڈان اور یمن کے شہریوں کی امریکہ داخلے پر 90 روز کے لیے پابندی عائد کی گئی تھی۔
