site
stats
ضرور پڑھیں

بلاول بھٹو کی راہ میں آنے والا درخت کاٹ دیا گیا

حیدر آباد: سانحہ کارساز کی دسویں برسی کے موقع پر صوبہ سندھ کے شہر حیدر آباد میں ہونے والے پیپلز پارٹی کے جلسے کی تیاریاں جاری ہیں، تیاریوں کے دوران بلاول بھٹو کی راہ میں رکاوٹ بننے والے ایک قدیم ترین درخت کو کاٹ دیا گیا۔

سوشل میڈیا پر گردش کرنے والی مختلف تصاویر اور پوسٹس کے مطابق پیپلز پارٹی کے چیئرمین بلاول بھٹو زرداری اور دیگر رہنماؤں کی حیدر آباد آمد کے موقع پر جگہ جگہ خیر مقدمی بینرز اور بورڈز آویزاں کیے جارہے ہیں۔

ایسے ہی ایک بورڈ کی تنصیب کے لیے سومرا گوٹھ کے قریب واقع وادھو وا کے علاقے میں ایک قدیم اور تناور درخت کو بغیر سوچے سمجھے کلہاڑیوں کے وار سے کاٹ دیا گیا جس کے بعد اب یہاں بلاول بھٹو کے لیے خیر مقدمی بینر آویزاں کیا جائے گا۔

ذرائع کے مطابق یہاں درختوں کی پوری قطار تھی تاہم بورڈ لگانے کے لیے اس مخصوص درخت کو کاٹنا ضروری سمجھا گیا اور اسے وہاں سے اکھاڑ دیا گیا۔

تصاویر بشکریہ: ماجد صدیقی ۔ فیس بک

یاد رہے کہ صوبہ سندھ کے شہر کراچی اور حیدرآباد تقریباً نصف سال تک شدید، غیر معمولی گرمی اور ہیٹ ویوز کا سامنا کرتے ہیں جس کی سب سے بڑی وجہ درختوں کی عدم موجودگی ہے جنہیں بے دریغ کاٹ دیا گیا ہے۔

مزید پڑھیں: پاکستان میں عام پایا جانے والا یہ درخت بے شمار بیماریوں کا علاج

سنہ 2015 میں کراچی میں پڑنے والی قیامت خیز ہیٹ ویو نے 15 سو کے قریب افراد کی جان لے لی تھی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top