دی ریزسٹنس فرنٹ نے پہلگام واقعے میں ملوث ہونے کی تردید کردی، ٹی آر ایف نے کہا کہ پہلگام واقعے میں ملوث ہونے کا بیان بے بنیاد ہے۔
تفصیلات کے مطابق ٹی آر ایف کا کہنا تھا کہ واقعے پر بھارتی بیان جھوٹ کا پلندہ ہے، پہلگام واقعہ تحریک کشمیر کو بدنام کرنے کی سوچی سمجھی بھارتی سازش ہے، پہلگام حملے کے بعد ہمارے ڈیجیٹل پلیٹ فارم سے جھوٹ پر مبنی پیغام جاری کیا گیا۔
پہلگام حملہ: انتہا پسند ہندوؤں نے مسلمان بریانی فروش کو قتل کر دیا
ٹی آرایف نے کہا کہ جھوٹا پیغام ایک مربوط سائبر حملے کا نتیجہ تھا، تحقیقات سے پتہ چلا ڈیجیٹل پلیٹ فارم سے جھوٹے پیغام کا جاری ہونا سائبر حملے کا نتیجہ تھا۔
دی ریزسٹنس فرنٹ اپنے جاری بیان میں مزید کہا کہ ابتدائی شواہد بھارتی خفیہ سائبر اداروں کی مداخلت کی نشاندہی کررہے ہیں۔
ٹی آرایف کا کہنا تھا کہ یہ پہلاموقع نہیں کہ بھارت نے سیاسی مفادات کیلئے اس قسم کی افراتفری پیدا کی ہو، ہم اس سیکیورٹی خلاف ورزی کی مکمل تحقیقات کررہے ہیں۔
پہلگام فالس فلیگ آپریشن کے بعد معصوم کشمیریوں کا قتل عام ، ناقابل تردید ثبوت سامنے آگئے
