The news is by your side.

Advertisement

دکھی انسانیت کے مسیحا عبدالستار ایدھی کو بھارتی شہریوں کا خراج تحسین

جالندھر: انسانیت سے محبت کرنے والے عظیم سماجی کارکن عبدالستار ایدھی مرحوم کو بھارتی شہریوں کی جانب سے خراج تحسین پیش کیا گیا ہے۔

تفصیلات کے مطابق بھارتی شہر جالندھر کے ایک ہائی وے پر مولانا عبدالستار ایدھی کا ایک بڑا سائن بورڈ لگایا گیا ہے، انسانیت کے لیے ایدھی کی خدمات ناقابل فراموش ہیں۔

بھارتی شہر میں نصب سائن بورڈ پر شاندار الفاط میں ایدھی کو خراج تحسین پیش کیا گیا ہے، سائن بورڈ کے دائیں طرف ایدھی کی تصویر ہے اور بائیں طرف لکھا ہے ’’امیر ترین غریب آدمی‘‘۔

Image result for Edhi Singboard

سائن بورڈ کے نیچے کی جانب مولانا عبدالستار ایدھی کا ایک مقبول قول بھی درج ہے، ’’انسانیت سے بڑھ کر کوئی مذہب نہیں‘‘۔

یاد رہے معروف سماجی شخصیت عبدالستار ایدھی طویل علالت کے بعد 8 جولائی 2016 میں کراچی میں انتقال کرگئے تھے، اُن کی خدمات کے اعتراف میں مختلف سڑکوں اور اسٹیڈیمز کو ایدھی صاحب کے نام سے منسوب کیا گیا تھا۔

 

وہ ساری زندگی اس عقیدے پر کاربند رہے کہ انسانیت سے بڑا کوئی مذہب نہیں۔ ان کی ایمبولینس بغیر کسی تفریق کے ملک کے ہر کونے میں زخمیوں کو اٹھانے پہنچ جاتی تھی۔ چاہے زخمی کوئی ہندو ہو، کوئی عیسائی، کوئی شیعہ، کوئی سنی یا کسی اور مسلک کا پیروکار، ایدھی کی ایمبولینس کسی کو اٹھانے یا دفنانے سے پہلے اس کا مذہب نہیں پوچھتی تھی۔

عبدالستار ایدھی مذہب وفرقے، رنگ و نسل اور ادنی و اعلیٰ کی تفریق کے بغیرسب کی خدمت کے لیے ہمہ وقت مگن رہتے، وہ اپنے ادارے کے لیے سڑکوں پر، گلیوں میں در در جا کر چندہ اکھٹا کرتے اور اسے انسانیت کی خدمت میں لگا دیتے اور اپنی ذات پر گھر واہل و عیال پر سادگی اور میانہ روی اپنائے رکھتے۔

ہزاروں یتیموں کے والد‘ بے سہاروں کا سہارا ‘ اپنی سماجی خدمات میں بے مثال عبدالستار ایدھی 8 جولائی 2016ء میں گردوں کے عارضے میں مبتلا ہوکر 88 سال کی عمرمیں اس دنیائے فانی سے کوچ کرگئے۔

Comments

comments

یہ بھی پڑھیں