پی ایس ایل 10 میں پاک فضائیہ کو خراج تحسین پیش کیا گیا، پاک بھارت کشیدگی میں جانوں کانذرانہ دینے والے شہدا کو سلام پیش کیا گیا۔
پاکستان ایئرفورس کی جانب سے بھارت کے خلاف جنگ میں شاندار کارکردگی کا مظاہرہ کیا گیا تھا، پاک فضائیہ کے پائلٹس نے بھارت کے 6 لڑاکا طیارے گرائے تھے جن میں 3 جدید رافیل طیارے بھی شامل تھے، بالآخربھارت کو اپنے زخم چاٹتے ہوئے سیزفائر کی درخواست کرنا پڑی تھی۔
کراچی کنگز، پشاورزلمی کے میچ سے قبل کھلاڑیوں، آفیشلز کا پاک افواج کو زبردست خراج تحسین
پی ایس ایل 10 میں راولپنڈی اسٹیڈیم پاکستان ایئرفورس کو خراج تحسین پیش کیا گیا، اسٹیڈیم پاک فضائیہ اور پاکستان زندہ باد کے نعروں سے گونج اٹھا، ایئرچیف مارشل ظہیر احمد بابر بھی پاک فضائیہ کو خراج تحسین پیش کرنے کی تقریب میں راولپنڈی اسٹیڈیم میں موجود رہے۔
اس کے علاوہ وفاقی وزیرداخلہ و چیئرمین پی سی بی محسن نقوی بھی اسٹیڈیم میں موجود تھے، گلوکار شجاع حیدر نے اسٹیڈیم میں شاندار پرفارمنس کے ذریعے شائقین کا لہو گرمایا۔
