The news is by your side.

Advertisement

مارکیٹ کی خود کار لفٹ میں خاتون کے ساتھ انوکھا واقعہ، ویڈیو وائرل

سنگاپور : شہر کے معروف تجارتی مرکز میں خود کار لفٹ میں ایک ایسا واقعہ پیش آیا جسے دیکھ کر لوگ تجسس اور خوف میں مبتلا ہوگئے۔

شینگ سیونگ نامی سپر مارکیٹ کی خود کار لفٹ میں ایک ٹرالی نیچے کی جانب تیزی سے لڑھکتی ہوئی آئی اور خاتون کو گراتی ہوئی چلی گئی۔

ویڈیو شئیرنگ ایپ ٹک ٹاک پر پوسٹ کی جانے والی ویڈیو سوشل میڈیا پر خوب وائرل ہورہی ہے، جس پر صارفین اپنے ردعمل کا اظہار کررہے ہیں۔

@user8836264941608ali

♬ original sound – user8836264941608

ویڈیو میں دکھایا گیا ہے کہ ایک خاتون خودکار زینے سے نیچے اتر رہی ہے، اسی دوران ایک ٹرالی جس میں کچھ ڈبے رکھے ہوئے ہیں تیزی سے نیچے کی جانب جانے لگتی ہے۔

زینے کی چوڑائی کم ہونے کی وجہ سے وہاں اتنا راستہ نہیں ہے کہ ٹرالی اور خاتون ایک ساتھ جاسکیں تاہم خاتون اس بات سے لاعلم تھی کہ اس کے پیچھے کیا ہورہا ہے۔

اچانک ٹرالی پیچھے سے اس خاتون کے جسم کے دائیں جانب زور سے ٹکرائی اور خاتون خود پر قابو نہ رکھ سکی، ٹرالی اس کے دائیں بازو اور ٹانگ کو زخمی کرتے ہوئے نیچے جاکر گرگئی۔

خاتون کو ٹکر لگنے کے بعد وہ زمین پر منہ کے بل گری اور کچھ دیر تک تو اس کو پتہ ہی نہ چلا کہ اس کے ساتھ ہوا کیا ہے۔ مارکیٹ کے عملے کی ایک خاتون دوڑتی ہوئی آئی بجائے اس کے کہ وہ زخمی خاتون کی مدد کرتی اس نے ٹرالی کا پیچھا کیا لیکن پھر بھی کوئی فائدہ نہیں ہوا۔

Comments

یہ بھی پڑھیں