لاہور: پاکستان کرکٹ بورڈ کی جانب سے قومی کرکٹ ٹیم میں اندرونی اختلافات کے بارے میں حالیہ ہونے والی قیاس آرائیوں کی سختی سے تردید کی گئی ہے۔
پی سی بی کے جاری کردہ بیان میں کہا گیا ہے کہ ایک مخصوص طبقے کی طرف سے پھیلائی جانے والی افواہوں میں صداقت نہیں ہے، پی سی بی نے واضح کیا کہ اس طرح کے بے بنیاد دعوؤں کی حمایت کرنے والوں کے پاس اس کا کوئی ثبوت نہیں ہے۔
پی سی بی نے جھوٹی خبر کو پھیلانے پر مایوسی کا اظہار کیا اور صحافتی اخلاقیات کو برقرار رکھنے کی اہمیت پر زور دیا۔
دوسری جانب پاکستان اور افغانستان آئی سی سی ورلڈ کپ 2023 کے ہونے والے میچ ایک دوسرے کے مد مقابل ہیں۔اس پر قومی ٹیم کے ڈائریکٹر مکی آرتھر کی جانب سے بیان سامنے آیا ہے۔
پاکستان کرکٹ ٹیم کے ڈائریکٹر مکی آرتھر کا اپنے بیان میں کہنا ہے کہ ٹاپ 4 میں کسی ایک کا سنچری بنانا بہت ضروری ہے۔ آسٹریلیا کے خلاف میچ سے بہت کچھ سیکھا ہے۔
پاکستان کرکٹ ٹیم کے ڈائریکٹر مکی آرتھر کا مزید کہنا تھا کہ شاہین آفریدی کا فارم میں آنا ٹیم کے لیے اچھی علامت ہے۔
