ممبئی: اتوار کی رات ممبئی میں ایک سڑک پر رواں دواں مکسر ٹرک میں اچانک آگ بھرک اُٹھی، جس کے باعث ٹرک دیکھتے ہی دیکھتے جل کر خاکستر ہوگیا۔
بین الاقوامی خبر رساں ادارے کی رپورٹ کے مطابق یہ واقعہ بوریولی ویسٹرن ایکسپریس ہائی وے پر دیوی پاڑا میٹرو اسٹیشن کے قریب پیش آیا، جس سے دیگر مسافروں میں خوف و ہراس پھیل گیا۔
پولیس ذرائع کا اس حوالے سے کہنا ہے کہ ٹرک ڈرائیور کسی طرح اپنی جان بچانے میں کامیاب ہو گیا، جسے شدید زخمی حالت میں اسپتال منتقل کیا گیا۔ جبکہ ٹرک میں آگ لگنے کی وجوہات کا جائزہ لے رہے ہیں۔
#WATCH | Mumbai, Maharashtra: A fire broke out in a moving mixer truck near Devipada metro station on Borivali Western Express Highway. The truck driver is slightly injured. Kasturba police and fire brigade personnel are present at the spot and the efforts to douse the fire are… pic.twitter.com/JJhh3ouWlU
— ANI (@ANI) December 10, 2023
دوسری جانب بھارت کے ضلع گیا میں درندہ صفت باپ نے اپنی ڈھائی ماہ کی بچی کو پانی میں پھینک کر قتل کر دیا، پولیس نے قاتل باپ کو گرفتار کر کے جیل بھیج دیا ہے۔
غیر ملکی ذرائع ابلاغ کے مطابق ریاست بہار کے ضلع گیا میں ایک ڈھائی ماہ کی معصوم بچی کی لاش تالاب سے بر آمد کی گئی، پولیس نے اس حوالے سے چھان بین کی تو معلوم ہوا کہ بچی کا حقیقی باپ ہی بچی کا قاتل ہے، جس نے اپنی بچی کو پانی میں پھینک دیا تھا۔
پولیس ذرائع کے مطابق خاتون نے شکایت درج کرائی تھی کہ اس کا شوہر گزشتہ ایک ہفتے سے سسرال میں تھا، وہ اس کو ساتھ لے جانے کے لئے دباؤ ڈال رہا تھا جبکہ ایسا نہ کرنے پر مجھے اور بچی کو جان سے مارنے کی دھمکیاں دے رہا تھا۔
خاتون کا کہنا تھا کہ جمعہ کی صبح جب سو کر اُٹھی تو دیکھا کے شوہر اور بچی گھر میں موجود نہیں تھے، جبکہ شوہر سے کوئی رابطہ بھی نہیں ہورہا تھا، پولیس کو شکایت درج کرانے پر چھاپہ مار کارروائی شروع کی گئی تو خاتون کے شوہر کو گرفتار کرلیا گیا، تحقیقات پر اصل حقیقت آشکار ہوگئی۔
