بھارتی ریاست گجرات میں ایک ڈرائیور کو سڑک پر نماز ادا کرنے پرحراست میں لے لیا گیا، باچا خان نامی ٹرک ڈرائیور کے خلاف پولیس کی جانب سے کارروائی عمل میں لائی گئی۔
بین الاقوامی خبر رساں ادارے کی رپورٹ کے مطابق سوشل میڈیا پر ایک ویڈیو وائرل ہوئی جس میں دیکھا جاسکتا ہے کہ ڈرائیور پالن پور شہر کے قریب ایک چوراہے پر کھڑے اپنے ٹرک کے آگے نماز ادا کرنے میں مصروف ہے۔ یہ واقعہ 12 جنوری کا ہے۔
نماز پڑھتے دیکھ کر ایک ہندو انتہاء پسند نے ویڈیو بنا کر پولیس کو بھیج دی، جس پر پولیس نے پھرتی دکھاتے ہوئے مختلف دفعات کے تحت مقدمہ درج کرکے باچا خان کو گرفتار کرلیا۔
- Advertisement -
آئس لینڈ میں کئی ہفتوں کے زلزلوں کے بعد آتش فشاں پھٹ گیا
واضح رہے کہ بھارت میں ایسا پہلی بار نہیں ہوا، اس سے قبل بھی انتہا پسند مودی حکومت میں مسلمانوں کی عبادت میں خلل ڈالنے کے لئے مختلف حربوں کا استعمال کیا جاتا رہا ہے۔
