اوٹاوا: کینیڈین وزیراعظم جسٹن ٹروڈو نے سپریم کورٹ میں پہلے مسلم جج کو نامزد کردیا۔
غیرملکی خبررساں ادارے کی رپورٹ کے مطابق کینیڈین وزیراعظم جسٹن ٹروڈو نے سپریم کورٹ آف کینیڈا میں مسلم جج نامزد کردیا۔
محمود جمال یکم جولائی کو عہدے کا چارج سنبھالیں گے، محمود جمال 2019 میں اونٹاریو اپیل کورٹ میں جج کے عہدے پر فائز ہوئے تھے۔
واضح رہے کہ کینیڈا کی 146 سالہ تاریخ میں یہ پہلا موقع ہے جب کسی مسلم کو ملک کی عدالت عظمیٰ کا جج نامزد کیا گیا ہے۔
محمود جمال کی نامزدگی کو ابھی ایوان نمائندگان کی جسٹس کمیٹی سے توثیق کی ضرورت ہوگی تاہم اسے محض ایک رسمی خانہ پری قرار دیا جارہا ہے۔
جسٹن ٹروڈو نے لکھا کہ ’محمود جمال سپریم کورٹ کے لیے ایک قیمتی اثاثہ ثابت ہوں گے اور اسی لیے میں آج ملک کی اعلیٰ ترین عدالت کے لے ان کی تاریخی نامزدگی کا اعلان کررہا ہوں، تین کروڑ 80 لاکھ آبادی والے ایک ایسے ملک میں جہاں ہر چار میں سے ایک شخص اقلیتی فرقے سے تعلق رکھتا ہے۔
Justice Mahmud Jamal has had a distinguished career, throughout which he’s remained dedicated to serving others. He’ll be a valuable asset to the Supreme Court – and that’s why, today, I’m announcing his historic nomination to our country’s highest court. https://t.co/GSoW3zCU3b
— Justin Trudeau (@JustinTrudeau) June 17, 2021
دوسری جانب کینیڈا کی رکن پارلیمان جولی ڈیزیزوز نے کہا کہ ایک ماہر قانون دان کے طور پر محمود جمال کا کیریئر شاندار رہا ہے۔
