واشنگٹن : امریکی صدر ٹرمپ نے 6 جنریشن لڑاکا طیارے F-47 کی تیاری کا اعلان کردیا اور کہا ایف47 کی خصوصیات اورصلاحیتیں بے مثال ہوں گی۔
تفصیلات کے مطابق امریکا نے اپنی نوعیت کے پہلے ’سکستھ جنریشن جنگی طیارے‘ ایف فورٹی سیون تیار کرنے کا اعلان کردیا۔
ٹرمپ نے سکستھ جنریشن جنگی طیارے یا ’نیکسٹ جنریشن ائیر ڈومیننس‘ طیارے کی تیاری کا معاہدہ امریکی طیارہ ساز کمپنی بوئنگ کو دے دیا۔
ٹرمپ اور امریکی سیکرٹری دفاع پیٹ ہیگسیتھ نے وائٹ ہاؤس میں میڈیا سے بات کرتے ہوئے کہا کہ ایف فورٹی سیون ٹو ریپیٹرز کی جگہ لیں گے۔
ان کا کہنا تھا کہ ایف-فورٹی سیون کی خصوصیات اور صلاحیتیں بے مثال ہوں گی اور دنیا نے ایسا طیارہ پہلے کبھی نہیں دیکھا ہوگا۔
طیارے کی رفتار، گولہ بارود لے جانے کی صلاحیت اور دیگر خصوصیات کا دنیا میں کوئی مقابلہ نہیںم یہ طیارہ امریکا کے فضائی غلبے کو قائم رکھنے میں مددگار ثابت ہوگا۔
