امریکا کے سابق صدر ڈونلڈ ٹرمپ پر قاتلانہ حملے کی چار ماہ قبل پیشگوئی کرنے والے پادری کی پرانی ویڈیو نے لوگوں کے ہوش اُڑا دیے۔
سوشل میڈیا پر بریڈن بگس نامی پادری کی چار ماہ پرانی ویڈیو خوب توجہ کا مرکز بنی ہوئی ہے جس میں وہ نہ صرف ڈونلڈ ٹرمپ پر حملے کی پیشگوئی کر رہے ہیں بلکہ حملے کی نوعیت کے بارے میں بھی بتا رہے ہیں۔
بریڈن بگس کا اپنا یوٹیوب چینل ہے جس پر وہ نہ صرف پیشگوئیاں کرتے ہیں بلکہ مستقبل میں آنے والی مشکلات کے بارے میں بھی بتاتے ہیں۔
ٹرمپ پر حملہ کرنے والے کی گاڑی سے دھماکا خیز مواد مل گیا
چار ماہ پرانی ویڈیو میں پادری بریڈن بگس کہہ رہے ہیں کہ میں ڈونلڈ ٹرمپ کی زندگی پر ایک حملہ دیکھ رہا ہوں، ایک گولی جو ان کے کان کے پاس سے گزر کر سر کے بالکل آئی جس سے کان کا پردہ پھٹ گیا۔
بریڈن بگس نے کہا کہ ساتھ میں، میں نے یہ بھی دیکھا کہ اس وقت ڈونلڈ ٹرمپ گھٹنوں کے بل گر گئے اور خدا کی عبارت کرنے لگے۔
یہ وہی پادری ہیں جنہوں نے آئندہ صدارتی انتخابات میں ڈونلڈ ٹرمپ کی فتح کی پیشگوئی بھی کر رکھی ہے۔
Recorded on 3/14/24 (verified), Pastor Brandon Biggs recounts a prophecy he saw.
"I saw an attempt on [Trump’s] life that this bullet flew by his ear and it came so close to his head that it busted his ear drum. And I saw, he fell to his knees during this timeframe…” pic.twitter.com/U9iGpNmN7j
— John Greenewald, Jr. (@blackvaultcom) July 14, 2024
آج پنسلوینیا میں سابق امریکی صدر پر اُس وقت قاتلانہ حملہ کیا گیا جب وہ انتخابی مہم کے سلسلے میں ریلی کے شرکا سے خطاب میں مصروف تھے۔
خطاب کے دوران اچانک فائرنگ ہوئی جس میں وہ خوش قسمتی سے محفوظ رہے تاہم گولی ان کے کان کے اوپری حصہ پر لگی جس سے خون بہنے لگا۔
ان کو فوری طور پر اسپتال منتقل کیا گیا جہاں ابتدائی طبی امداد کے بعد ڈسچارج کر دیا گیا۔ بعدازاں ڈونلڈ ٹرمپ نجی طیارے کے ذریعے نیو جرسی پہنچے جہاں وہ گالف کلب میں قیام کریں گے۔
قاتلانہ حملے کی ویڈیو میں دیکھا جا سکتا ہے کہ سابق صدر گولی لگتے ہی جھکے اور ہاتھ کان پر رکھا۔
اسی لمحے اسٹیج پر سراسیمگی پھیل گئی اور تھوڑی دیر میں سکیورٹی اہلکار متحرک ہوئے اور ٹرمپ کو گھیرے میں لے لیا۔ ٹرمپ نے زخمی کان کے ساتھ ہاتھ کا مکا بنا کر سامعین کی طرف لہراتے ہوئے عزم کا اظہار کیا۔
