فلوریڈا: سابق صدر ڈونلڈ ٹرمپ نے جمعہ کی رات اپنی سالگرہ ویسٹ پام بیچ پر اپنے مداحوں کے ایک گروپ کے ساتھ منائی۔
غیر ملکی میڈیا رپورٹس کے مطابق سابق امریکی صدر ڈونلڈ ٹرمپ 78 برس کے ہو گئے ہیں، فلوریڈا میں ٹرمپ کے حامیوں نے سالگرہ کا اہتمام کیا۔
ٹرمپ نے سالگرہ کے موقع پر ریلی سے خطاب میں صدر جو بائیڈن کو نااہل اور کرپٹ ترین صدر قرار دے دیا، اور اپنی تقریر کا بڑا حصہ ان کا مذاق اڑانے کے لیے وقف کیا۔ واضح رہے کہ 81 سالہ صدر جو بائیڈن کو دوسری مدت سنبھالنے کے لیے ایک کمزور شخصیت سمجھا جا رہا ہے۔
ٹرمپ نے کہا ہمارا ملک نااہل لوگوں کی وجہ سے تباہ ہو رہا ہے، اس لیے تمام صدور کی اہلیت کے ٹیسٹ ہونے چاہئیں، انھوں نے کہا کہ جو بائیڈن دنیا کو تیسری جنگ عظیم کی طرف دھکیل رہے ہیں، مشرقی وسطیٰ جل رہا ہے، چین اور ایران مزید طاقت ور ہو رہے ہیں۔
ٹرمپ نے کہا جو بائیڈن کی وجہ سے آج دنیا امریکا پر ہنس رہی ہے، لیکن ہم جلد صدر بائیڈن کو وائٹ ہاؤس سے نکالیں گے۔
