امریکی صدر ڈونلڈ ٹرمپ نے کہا ہے کہ سی این این اور نیویارک ٹائمز کے جعلی خبروں والے رپورٹرز کو برطرف کیا جانا چاہیے۔
ڈونلڈ ٹرمپ نے سوشل میڈیا پلیٹ فارم ٹروتھ سوشل پر اپنے بیان میں سی این این اور نیویارک ٹائمز کے ان رپورٹز کو برطرف کرنے کا مطالبہ کیا جنھوں نے ایران کی نیوکلیئر سائٹس پر امریکی حملوں کے بعد ان سائٹس کی تباہی کے حوالے سے متضاد رپورٹنگ کی تھی۔
امریکی صدر نے ٹروتھ سوشل پر کہا کہ "برے ارادوں والے برے لوگ، یہ رپورٹرز بدنیت اور خطرناک عزائم رکھنے والے افراد ہیں۔
ڈونلڈ ٹرمپ نے مزید کہا کہ صحافت کے نام پر گمراہ کن پروپیگنڈا ناقابل قبول ہے، عوام میں اشتعال اور غلط فہمیاں پھیلانے کی کوشش کی جارہی ہے۔
ٹرمپ کی نیوز کانفرنس میں امریکی وزیردفاع کی جعلی خبروں امریکی میڈیا پر شدید تنقید
اس سے قبل نیٹو سمٹ میں خطاب کرتے ہوئے امریکی صدر ڈونلڈ ٹرمپ کا کہنا تھا کہ سی این این کی فیک نیوز کوئی نہیں دیکھتا، سی این این فیک نیوز سے اپنا اور دوسروں کا وقت برباد کرتا ہے
امریکی صدر نے کہا کہ نیویارک ٹائمز اپنی خبروں میں بری طرح ناکام ہوا، فیک نیوز پھیلانے والوں کی کوئی ساکھ نہیں، ہماری میڈیا کی ساکھ اب 16فیصد بچی ہے، ہمیں فخر ہے اس فیک نیوز اور میڈیا کو بےنقاب کیا۔
ٹرمپ کا کہنا تھا کہ امریکی پائلٹوں نے اپنی جان خطرے میں ڈال کرآپریشن کیا، امریکی پائلٹوں کو سراہنے کی بجائے سوالات اٹھائے جارہے ہیں۔
امریکی صدر نے کہا کہ مجھ پر تنقید کی آڑ میں پائلٹوں کو نشانہ بنایا جارہا ہے جو تکلیف دہ ہے، آپریشن کو سراہنے کی بجائے فیک نیوز چلائی جارہی ہے جو افسوسناک ہے۔
ایران کا امریکی اور اسرائیلی حملوں میں جوہری تنصیبات کو شدید نقصان کا اعتراف
