تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

صدر ٹرمپ کا کرونا ٹیسٹ نیگیٹو نکل آیا

واشنگٹن: وائٹ ہاؤس نے اعلامیہ جاری کرتے ہوئے کہا ہے کہ امریکی صدر ڈونلڈ ٹرمپ کا کرونا وائرس ٹیسٹ نیگیٹو آیا ہے۔

تفصیلات کے مطابق وائٹ ہاؤس کے اعلامیے میں کہا گیا ہے کہ صدر ٹرمپ نے گزشتہ رات کرونا وائرس کا ٹیسٹ کرانے کا فیصلہ کیا تھا، ٹیسٹ کا نتیجہ منفی نکل آیا۔

خیال رہے کہ گزشتہ کئی دنوں سے ڈونلڈ ٹرمپ میں کرونا وائرس کے خدشے کا اظہار کیا جا رہا تھا، چند دن قبل برازیل کے صدر کے مشیر نے ٹرمپ سے ملاقات کی تھی جس کے بعد عہدے دار فیبیوونگرٹرن میں کرونا وائرس کی تصدیق ہوئی۔ انھوں نے 7 مارچ کو امریکی ریاست فلوریڈا میں امریکی صدر کے ساتھ عشائیے میں شرکت کی تھی، برازیلین عہدے دار نے ٹرمپ سے ملاقات کی تصویر بھی سوشل میڈیا پر شیئر کی تھی۔

گزشتہ روز ایک صحافی کے سوال کے جواب میں ٹرمپ نے کہا تھا کہ وائٹ ہاؤس کے ڈاکٹروں کے مطابق مجھ میں وائرس کی علامات ظاہر نہیں ہوئیں مگر پھر بھی کرونا وائرس کی تشخیص کا ٹیسٹ کرانے کا سوچ رہا ہوں۔

ادھر غیر ملکی خبر رساں ادارے کی ایک رپورٹ میں کہا گیا ہے کہ آسٹریلیا کے سینئر سیاست دان پیٹر ڈوٹن میں ٹرمپ کی بیٹی ایوانکا ٹرمپ اور امریکی اٹارنی جنرل ولیم بر سے ملاقات کے بعد کرونا وائرس کی تصدیق کی گئی ہے۔

خیال رہے کہ امریکا میں کرونا وائرس کا پھیلاؤ اور ہلاکتوں کی تعداد میں تیزی سے اضافہ ہو رہا ہے، اب تک 2,976 افراد میں وائرس کی تشخیص ہو چکی ہے جب کہ ہلاک افراد کی تعداد 60 ہو گئی ہے۔

Comments

- Advertisement -