واشنگٹن: ہر سال کی طرح اس سال بھی امریکی صدارتی محل وائٹ ہاؤس میں ایسٹر کی تقریبات منعقد ہوئیں اور تقریب کے دوران ٹرمپ بدحواسی کا مظاہرہ کرتے ہوئے قومی ترانہ پڑھتے ہوئے سینے پر ہاتھ رکھنا بھول گئے۔
اس بار وائٹ ہاؤس میں ہونے والی ایسٹر کی تقریب گزشتہ سالوں کے مقابلے میں کچھ پھیکی سی رہی۔ اس بار بہت کم لوگوں نے تقریب میں شرکت کی۔
اس کے برعکس بارک اوباما کے صدارتی دور میں بہت سے مہمان وائٹ ہاؤس میں آتے تھے جن میں بڑی تعداد بچوں کی ہوتی تھی۔ صدر اوباما بچوں کے ساتھ گھل مل جاتے اور انہی کی طرح بچہ بن کر کھیلتے تھے۔
Obama’s Easter Egg Roll vs @realDonaldTrump ‘s Easter Egg Roll. Pictures are worth 1000 words. pic.twitter.com/QVMX0jKQil
— Hilary (@HilareeBanks) April 17, 2017
تقریب میں جب قومی ترانہ پڑھا گیا تو بالکونی پر کھڑی خاتون اول میلانیا اور ان کے بیٹے بیرن ٹرمپ نے تو سینے پر ہاتھ رکھا مگر صدر ٹرمپ ہاتھ رکھنا بھول گئے۔
میلانیا نے ٹہوکا مار کر انہیں یاد دلایا جس کے بعد صدر ٹرمپ کو بھی یاد آیا اور انہوں نے سینے پر ہاتھ رکھ کر بقیہ ترانہ سنا۔
That’s a subtle nudge from Melania to remind Trump to lift his hand during the national anthem… https://t.co/P9XlYpjvcQ
— Daniella Diaz (@DaniellaMicaela) April 17, 2017
ٹرمپ کی اس حرکت نے انہیں ایک بار پھر امریکی میڈیا کی تنقید اور غیر ملکی میڈیا کے مذاق کا نشانہ بنا دیا۔
