site
stats
حیرت انگیز

بھلکڑ ٹرمپ کی قومی ترانے کے دوران بدحواسیاں

واشنگٹن: ہر سال کی طرح اس سال بھی امریکی صدارتی محل وائٹ ہاؤس میں ایسٹر کی تقریبات منعقد ہوئیں اور تقریب کے دوران ٹرمپ بدحواسی کا مظاہرہ کرتے ہوئے قومی ترانہ پڑھتے ہوئے سینے پر ہاتھ رکھنا بھول گئے۔

اس بار وائٹ ہاؤس میں ہونے والی ایسٹر کی تقریب گزشتہ سالوں کے مقابلے میں کچھ پھیکی سی رہی۔ اس بار بہت کم لوگوں نے تقریب میں شرکت کی۔

اس کے برعکس بارک اوباما کے صدارتی دور میں بہت سے مہمان وائٹ ہاؤس میں آتے تھے جن میں بڑی تعداد بچوں کی ہوتی تھی۔ صدر اوباما بچوں کے ساتھ گھل مل جاتے اور انہی کی طرح بچہ بن کر کھیلتے تھے۔

تقریب میں جب قومی ترانہ پڑھا گیا تو بالکونی پر کھڑی خاتون اول میلانیا اور ان کے بیٹے بیرن ٹرمپ نے تو سینے پر ہاتھ رکھا مگر صدر ٹرمپ ہاتھ رکھنا بھول گئے۔

میلانیا نے ٹہوکا مار کر انہیں یاد دلایا جس کے بعد صدر ٹرمپ کو بھی یاد آیا اور انہوں نے سینے پر ہاتھ رکھ کر بقیہ ترانہ سنا۔

ٹرمپ کی اس حرکت نے انہیں ایک بار پھر امریکی میڈیا کی تنقید اور غیر ملکی میڈیا کے مذاق کا نشانہ بنا دیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top