واشنگٹن: امریکی صدر ڈونلڈ ٹرمپ نے امریکی عہدیدار کو اپنا ’آٹوگراف‘ آن لائن فروخت کرنے کا مشورہ دے دیا۔
غیرملکی خبررساں ادارے امریکی صدر ڈونلڈ ٹرمپ نے لوزیانا کے دورے کے موقع پر ایک عہدیدار کو اپنا آٹوگراف دیا اور اس سے کہا کہ 10 ہزار ڈالر میں اسے آن لائن فروخت کردو۔
ٹرمپ نے بیٹھ کر لوگوں کے ایک گروہ کو بلایا اور کہا یہاں آؤ فیلس ، یہ آٹو گراف آج رات ای بے پر بیچ دو، آپ کو دس ہزار ڈالرز ملیں گے۔
ای بے کے پاس پہلے ہی ترمپ کے تصدیق شدہ یادداشت کے متعدد ٹکڑے موجود ہیں جن میں سے کچھ کے لیے ہزاروں ڈالر تک کی بولی ہے۔
امریکی صدر نے چارلس لیک میں نیوز کانفرنس کرتے ہوئے کہا کہ میں لوزیانا کے عظیم لوگوں کی حمایت کرنے آیا ہوں، انہوں نے مزید کہا کہ یہ ایک طاقتور سمندری طوفان تھا۔
ٹرمپ کا کہنا تھا کہ وہ لوزیانا کی ریاست کے بارے میں ایک چیز جانتے ہیں کہ انہوں نے اسے تیزی سے دوبارہ تعمیر کیا۔
واضح رہے کہ سمندری طوفان لورا کی 150 گھنٹہ فی کی رفتار سے 240 کلو میٹر فی گھنٹہ تیز ہواؤں نے کھڑکیوں کو توڑ دیا تھا جس سے شیشے اور ملبہ پورے شہر میں بکھرے ہوئے تھے۔
سمندری طوفان لورا کے نتیجے میں لاکھوں افراد بے گھر اور 6 افراد ہلاک ہوئے۔
