واشنگٹن: سابق امریکی صدرٹرمپ نااہل ہونگے یا نہیں؟،ا یوان نمائندگان نے مواخذے کے آرٹیکل سینٹ میں پیش کردئیے۔
غیر ملکی میڈیا رپورٹ کے مطابق امریکی سینیٹ میں سابق صدر ٹرمپ کے مواخذے کی کارروائی کا آغاز ہوگیا ہے، ایوان نمائندگان نے مواخذے کے آرٹیکل سینیٹ میں پیش کردئیے ہیں۔
مواخذے کے آرٹیکل میں سابق صدر پر الزام عائد کیا گیا ہے کہ ٹرمپ نے انتخابات میں دھاندلی کے جھوٹے الزامات لگائے، لوگوں کو کانگریس پر حملےکیلئے اکسایا اور جارجیا کے سیکریٹری کو انتخابات کے نتائج تبدیل کرنے پر مجبور کیا۔
سابق صدر پر الزام عائد کیا گیا ہے کہ سابق صدر ٹرمپ نے جمہوریت اور آئین کو خطرے میں ڈالا، اسی لئے انہیں آئندہ کے لئے صدارت کے لئے نااہل قرار دیا جائے۔
یہ بھی پڑھیں: ٹرمپ کا مواخذہ، ڈیمو کریٹس کا بڑا فیصلہ
واضح رہے کہ گذشتہ ہفتے ٹرمپ کو مواخذہ کرنے کی قرارداد ایوان سے منظور کی گئی تھی، ان پر چھ جنوری کو کیپٹل ہلز میں صدر جو بائیڈن کی فتح کے دوران تشدد پھیلانے کا الزام عائد کیا گیا تھا۔ تاہم ٹرمپ نے اس الزام کی تردید کرتے ہوئے کہا کہ ان کے ریمارکس بالکل درست تھے۔
امریکی میڈیا کے مطابق ٹرمپ کے مواخذے کیلئےکم ازکم17ری پبلکن سینیٹرز کی حمایت درکار ہے، سینیٹ میں صدر ٹرمپ کا مواخذہ ہونا مشکل ہے کیونکہ صرف پانچ ری پبلکن سینیٹرز ٹرمپ کے مواخذے کےحق میں ہیں۔
