واشنگٹن: امریکی اڈوں پر ایرانی حملوں کے بعد وائٹ ہاؤس نے کہا ہے کہ ڈونلڈ ٹرمپ ضرورت پڑنے پر امریکی فوجی مداخلت بڑھانے کو تیار ہیں۔
قطر میں میزائل حملوں کے بعد وائٹ ہاؤس کی جانب سے جاری بیان میں کہا گیا کہ امریکی حملوں کے بعد ایران کا ردعمل متوقع تھا، ایران نے قاسم سلیمانی کے بعد بھی اسی نوعیت کا ردعمل دیا تھا، ایران کے میزائل اپنے اہداف کو نشانہ نہیں بنا سکے۔
امریکی فوجی طیاروں کو العدید ایئربیس سے ہٹا لیا گیا تھا، سیٹلائٹ تصویر
وائٹ ہاؤس کا کہنا ہے کہ قطری وزارت دفاع نے بتایا کہ ان کے ایئرڈیفنس سسٹم نے حملہ ناکام بنایا، صدر ٹرمپ قومی سلامتی حکام سےآج مشاورت کریں گے۔
ایران کی جانب سے مشرق وسطیٰ میں امریکی اڈوں پر میزائل حملے کے بعد وائٹ ہاؤس کا مزید کہنا تھا کہ امریکی صدر کی پالیسی میں تبدیلی کا امکان ہے۔
iran israel تمام خبریں
دریں اثنا سیٹلائٹ تصویر میں دعویٰ سامنے آیا ہے کہ ایرانی حملوں سے پہلےل کچھ امریکی فوجی طیاروں کو گذشتہ ہفتے العدید ایئر بیس سے باہر منتقل کیا گیا تھا۔
سی این این کے مطابق بغیر شیلٹر کے امریکی طیاروں کو گزشتہ ہفتے قطر کے العدید ایئربیس سے باہر منتقل کیا گیا، ایک سیٹلائٹ تصویر کے مطابق جو 19 جون کو لی گئی تھی اس میں تقریباً خالی ٹرمکس دکھائی دے رہے ہیں۔
ٹرمپ اب بھی ایران سے مذاکرات میں دلچسپی رکھتے ہیں، وائٹ ہاؤس
