واشنگٹن: نومنتخب امریکی صدر ڈونلڈ ٹرمپ نے بھارتی نژاد کشیپ پٹیل کو ڈائریکٹر ایف بی آئی نامزد کردیا۔
غیر ملکی خبر رساں ادارے کے مطابق نومنتخب امریکی صدر ڈونلڈ ٹرمپ نے کہا ہے کہ کشیپ پٹیل کو ایف بی آئی ڈائریکٹر کے عہدے پر نامزد کروں گا۔
نومنتخب امریکی صدر ڈونلڈ ٹرمپ کا کہنا ہے کہ کاش پٹیل بہترین وکیل ہیں اور امریکی عوام کے تحفظ کے لیے کام کرتے ہیں اور سب سے پہلے امریکا پر یقین رکھتے ہیں۔
امریکی میڈیا کے مطابق امریکی سینیٹ کشیب پٹیل کی بطور ایف بی آئی ڈائریکٹر کی توثیق کرے گی، کشیپ پٹیل ٹرمپ کے قریبی افراد میں متنازعہ اور خود نمائی کے شوقین ہیں۔
امریکی میڈیا کا کہنا ہے کہ ٹرمپ نے اپنے سمدھی چارلس کشنر کو فرانس میں امریکا کا سفیر نامزد کردیا ہے، انہوں نے گزشتہ مدت صدارت میں چارلس کشنر کو جرائم پر دی گئی سزا معاف کی تھی۔
امریکی میڈیا کا مزید کہنا ہے کہ کشنر پر ٹیکس فراڈ، ہوٹل کے کمرے میں خفیہ کیمرے سے ریکاڈنگ کا الزام تھا۔
