واشنگٹن: نومنتخب صدر ڈونلڈ ٹرمپ انتظامیہ کیلئے اہم تعیناتیوں کا سلسلہ جاری ہے، نومنتخب صدر نے پیٹ ہیگزے کووزیردفاع نامزد کردیا۔
غیر ملکی ذرائع ابلاغ کے مطابق نومنتخب صدر ڈونلڈ ٹرمپ کا کہنا ہے کہ فخر ہے پیٹ کو اپنی کابینہ میں وزیردفاع کے طور پرکام کرنے کیلئے نامزدکیا۔
اُنہوں نے کہا کہ پیٹ نے اپنی زندگی فوجیوں اور ملک کیلئے ایک جنگجوکے طور پر گزاری ہے، ہماری فوج دوبارہ عظیم ہوگی اور امریکا کبھی پیچھے نہیں ہٹے گا، واضح رہے کہ پیٹ فاکس نیوز کے ایک شوکی میزبانی بھی کرچکے ہیں۔
دوسری جانب نومنتخب صدر ٹرمپ نے مائیک ہکابی کو اسرائیل میں امریکا کا نیا سفیر نامزد کر دیا۔
امریکی میڈیا کے مطابق نامزدگی کے حوالے سے ٹرمپ نے کہا کہ خوشی ہو رہی ہے ارکنساس کے سابق گورنر مائیک ہکابی کو اسرائیل میں سفیر نامزد کر رہا ہوں۔
انہوں نے کہا کہ مائیک کئی سالوں سے عظیم سرکاری ملازم، گورنر، اور لیڈران فیتھ رہا ہے مائیک اسرائیل اور اسرائیل کے لوگوں سے محبت کرتا ہے اور اسرائیل کے لوگ بھی مائیک سے محبت کرتے ہیں۔
غزہ : پناہ گزین کیمپوں پر اسرائیلی حملہ، 28 فلسطینی شہید
ٹرمپ نے کہا کہ مائیک مشرق وسطیٰ میں امن قائم کرنے کے لیے انتھک محنت کرے گا۔
