امریکا کے سابق صدر اور ری پبلکن صدارتی امیدوار ڈونلڈ ٹرمپ کا کہنا ہے کہ عوام کاملا ہیرس کو کسی صورت صدر منتخب نہیں کریں گے۔
بین الاقوامی خبر رساں ادارے کی رپورٹ کے مطابق ری پبلکن صدارتی امیدوار ڈونلڈ ٹرمپ نے کولراڈو میں انتخابی ریلی سے خطاب میں کہا کہ غیر قانونی امیگرینٹس کیساتھ سختی سے نمٹا جائے گا۔
سابق صدر کا کہنا تھا کہ غیر قانونی امیگرینٹس سے ملک کو صاف کیا جائے گا، ان کے ساتھ کسی قسم کی کوئی رعایت نہیں کی جائے گی۔
اُنہوں نے کہا کہ امریکی شہری یا قانون نافذ کرنیوالے اہلکار کو قتل کرنیوالے مائیگرینٹ کو سزائے موت دی جائے گی۔
اس سے قبل امریکی الیکشن کے قریب سابق امریکی صدر ٹرمپ اور روسی صدر پیوٹن کے درمیان رابطوں کا نیا پینڈورا باکس کھل گیا ہے۔
غیر ملکی ذرائع ابلاغ کے مطابق امریکی صحافی باب ووڈورڈ نے نئی کتاب میں دونوں کے درمیان رابطوں کا انکشاف کیا۔
اسرائیلی صدر نے ترکیہ پر حملے سے متعلق کیا کہا؟
کتاب کے متن کے مطابق وائٹ ہاؤس چھوڑنے کے بعد سابق صدر کی پیوٹن سے 7 بار گفتگو ہوئی، سابق صدرنے کورونا وبا میں ٹیسٹ کٹس بھی پیوٹن کو خفیہ طور پر بھیجیں۔
