واشنگٹن : امریکی صدر ڈونلڈ ٹرمپ نے مین ہٹن حملے پر افسوس کا اظہار کرتے ہوئے اسے پاگل پن قرار دیتے ہوئے کہا کہ داعش کوامریکا میں داخل نہیں ہونے دیں گے۔
تفصیلات کے مطابق امریکی صدر ٹرمپ نے سماجی رابطے کی ویب سائٹ ٹوئٹر پر اپنے پیغام میں نیویارک کے علاقے مین ہیٹن حملے کی مذمت کرتے ہوئے کہا سیکیورٹی ادارےواقعےکی باریک بینی سےتحقیقات کررہےہیں، امریکا میں ایسے واقعات نہیں ہونے دیں گے۔
In NYC, looks like another attack by a very sick and deranged person. Law enforcement is following this closely. NOT IN THE U.S.A.!
— Donald J. Trump (@realDonaldTrump) October 31, 2017
ٹرمپ نے اپنے ٹوئٹ میں کہا کہ داعش کومشرق وسطیٰ ودیگرجگہوں پرشکست دی،اب لوٹنےنہیں دینگے، ہم داعش کوامریکا میں داخل نہیں ہونے دیں گے، حکام کوامیگریشن مزید سخت کرنے کوکہا ہے
We must not allow ISIS to return, or enter, our country after defeating them in the Middle East and elsewhere. Enough!
— Donald J. Trump (@realDonaldTrump) October 31, 2017
امریکی صدر نے کا کہنا تھا کہ حملے کےمتاثرین اورخاندانوں سےاظہارتعزیت کرتاہوں۔
My thoughts, condolences and prayers to the victims and families of the New York City terrorist attack. God and your country are with you!
— Donald J. Trump (@realDonaldTrump) October 31, 2017
دوسری جانب برطانوی وزیراعظم ٹریزا مے نے نیویارک واقعہ پرافسوس ظاہرکیا اورمتاثرین سے اظہاریکجہتی کیا ہے۔
مزید پڑھیں : نیویارک: حملہ آور نے ٹرک راہگیروں پر چڑھا دیا، 8 افراد ہلاک
یاد رہے کہ امریکی شہر نیویارک کے علاقے مین ہٹن میں ایک شخص نے راہگیروں کو ٹرک تلے کچل ڈالا، حادثے میں 8 افراد ہلاک اور ایک درجن سے زائد زخمی ہوگئے جبکہ حملہ آور کو زخمی حالت میں گرفتار کرلیا گیا ہے۔
حکام کے مطابق حملہ آور کا تعلق ازبکستان سے ہے جو سنہ 2010 میں ہجرت کر کے امریکا آیا جبکہ امریکی میڈیا کا دعویٰ ہے کہ حملہ آور سیفولو کی گاڑی سے داعش کا جھنڈا بھی ملا ہے۔
