واشنگٹن: امریکی صدر ڈونلڈ ٹرمپ کا کہنا ہے کہ ہائیڈرو کلورکین کے بہت جلد مثبت اثرات سامنے آئے ہیں۔
تفصیلات کے مطابق کرونا وائرس کے پیش نظر امریکی صدر ڈونلڈ ٹرمپ نے ٹویٹر پیغام میں کہا کہ ہائیڈرو کلورکین کے بہت جلد مثبت اثرات سامنے آئے ہیں، ہم کل سے نیویارک اور دیگر مقامات پر یہ دوا شروع کرانے جارہے ہیں۔
دوسری جانب نیویارک پوسٹ نے دعویٰ کیا ہے کہ ہائیڈرو کلورکین نے کرونا وائرس کے ایک مریض کی جان بچائی ہے، متاثرہ شخص کا کہنا ہے کہ کرونا مرض میں مجھے آئی وی ڈرپ پر رکھا گیا تھا۔
نیویارک پوسٹ کے مطابق متاثرہ شخص کا کہنا ہے کہ ٹرمپ کے مشورے کے بعد دوست نے ہائیڈرو کلورکین کھانے کا کہا، ہائیڈرو کلورکین کھانے کے بعد طبیعت کافی بہتر ہوگئی۔
A great early result from a drug that will start tomorrow in New York and other places! #COVIDー19 https://t.co/4F4Qk4WFtK
— Donald J. Trump (@realDonaldTrump) March 23, 2020
مزید پڑھیں: ملیریا کی ایک پرانی دوا کرونا وائرس کے خلاف مددگار ہے، امریکی صدر
کرونا کے مریض کا دعویٰ ہے کہ امریکی صدر ٹرمپ کی تجویز کردہ دوا سے صحت یاب ہوگیا ہوں۔
واضح رہے کہ امریکی صدر نے چند روز قبل بھی ہائیڈرو کلورکین کو کرونا وائرس کے علاج کے لیے صحت مند قرار دیا تھا۔
یاد رہے کہ دنیا بھر میں کرونا وائرس سے اموات کی تعداد 16 ہزار 314 سے تجاوز کرچکی ہے جبکہ کرونا وائرس کے مریضوں کی تعداد 3 لاکھ 72 ہزار 634 ہوگئی ہے، دنیا بھر میں کرونا سے صحت یاب ہونے والوں کی تعداد ایک لاکھ ایک ہزار 373 ہے۔