The news is by your side.

Advertisement

صدر ٹرمپ اور سعودی ولی عہد کے درمیان رابطہ، خطے کی صورت حال پر گفتگو

واشنگٹن: امریکی صدر ڈونلڈ ٹرمپ اور سعودی ولی عہد محمد بن سلمان کے درمیان ٹیلی فونک رابطہ ہوا اس دوران خطے کی صورت حال پر تبادلہ خیال کیا گیا۔

تفصیلات کے مطابق سعودی شہزادہ محمد بن سلمان اور صدر ٹرمپ نے مل کر دہشت گردی کے خاتمے کے عزل کا اظہار کیا اور خصوصی طور پر مشرقی وسطیٰ کی صورت حال پر گفتگو کی۔

غیر ملکی خبر رساں ادارے کا کہنا ہے کہ اس ٹیلی فونک گفتگو کے دوران سعودی صحافی جمال خاشقجی کے قتل سے متعلق تحقیقات پر بھی تبادلہ خیال کیا گیا۔

امریکی وائٹ ہاؤس نے ٹرمپ اور محمد بن سلمان کی گفتگو کا حوالہ دیتے ہوئے کہا کہ امریکی صدر خاشقجی قتل کیس میں پیش رفت اور کیس جلد مکمل ہونے کے منتظر ہیں۔

یاد رہے کہ گزشتہ سال 2 اکتوبر کو سعودی صحافی جمال خاشقجی استنبول میں سعودی سفارت خانے گئے تھے جہاں انہیں قتل کردیا گیا تھا۔

بیس اکتوبر کو سعودی عرب نے باضابطہ طور پر یہ اعتراف کیا تھا کہ صحافی جمال خاشقجی کو استنبول میں قائم سفارت خانے کے اندر جھگڑے کے دوران قتل کیا گیا۔

خاشقجی قتل کیس، امریکا نے 16 سعودی شہریوں کے داخلے پر پابندی عائد کردی

خیال رہے کہ ترک صدر رجیب طیب اردوان کا کہنا تھا کہ جمال خاشقجی کے قتل کا حکم سعودی عرب کی اعلیٰ ترین سطح سے آیا تھا، سعودی ولی عہد کے اقدامات کا تحمل سے انتظار کررہے ہیں۔

Comments

comments

یہ بھی پڑھیں