واشنگٹن: امریکی صدر ڈونلڈ ٹرمپ نے میکسیکو کے ساتھ آزاد تجارتی معاہدہ ختم کرنے کا عندیہ دے دیا۔
ان خیالات کا انہوں نے سماجی رابطے کی ویب سائٹ ٹویٹر پر اپنے پیغام میں کیا، ٹرمپ نے کہا کہ لوگ قافلوں کی صورت میں امریکا میں داخل ہورہے ہیں، ری پبلی کن ارکان امیگریشن کے لیے قوانین سخت کرنے ہوں گے۔
ڈونلڈ ٹرمپ نے ڈاکا پروگرام پر کسی بھی ڈیل سے انکار کردیا، ڈاکا پروگرام پر فیصلے کے لیے صدر ٹرمپ نے کانگریس کو چھ ماہ کا وقت دے رکھا ہے۔
Border Patrol Agents are not allowed to properly do their job at the Border because of ridiculous liberal (Democrat) laws like Catch & Release. Getting more dangerous. “Caravans” coming. Republicans must go to Nuclear Option to pass tough laws NOW. NO MORE DACA DEAL!
— Donald J. Trump (@realDonaldTrump) April 1, 2018
امریکی صدر نے کہا کہ امیگرنٹس کا ڈاکا معاہدہ اب نہیں رہے گا، میکسیکو کے ساتھ امریکی سرحد خطرناک ہوتی جارہی ہے، احمق لبرل قوانین کی وجہ سے بارڈر پیٹرول ایجنٹ کام نہیں کرپارہے ہیں۔
واضح رہے کہ ڈاکا پروگرام سابق امریکی صدر اوباما کے دور میں 2012 میں وضح کیا گیا تھا اور موجودہ صدر ٹرمپ نے گزشتہ موسم خزاں میں اسے منسوخ کرنے کی کوشش کی تھی۔
یہ قانون ان لوگوں کے بارے میں تھا جو اپنے بچپن میں والدین کے ساتھ امریکا آئے تھے اور ان کے والدین کے پاس قانونی دستاویزات نہیں تھیں، اس قانون کے تحت وہ ڈی پورٹ ہونے سے بچتے رہے اور کام کرنے کا اجازت نامہ ملتا رہا۔
Mexico is doing very little, if not NOTHING, at stopping people from flowing into Mexico through their Southern Border, and then into the U.S. They laugh at our dumb immigration laws. They must stop the big drug and people flows, or I will stop their cash cow, NAFTA. NEED WALL!
— Donald J. Trump (@realDonaldTrump) April 1, 2018
صدر ٹرمپ نے ڈیموکریٹ ارکان کانگریس کو یہ پیشکش کی تھی کہ وہ ڈاکا پر کوئی معاہدہ کرنے پر غور کرسکتے ہیں، بشرطیکہ جواب میں ڈیموکریٹک ارکان میکسیکو کے ساتھ سرحد پر دیوار تعمیر کرنے کے لیے فنڈز منظور کرنے میں پبلکنز کا ساتھ دیں۔
خیال رہے کہ امریکی صدر ڈونلڈ ٹرمپ ان دونوں ایسٹر تہوار منانے کے لیے ان دنوں پام بیچ فلوریڈا میں اپنے ریزارٹ پر چھٹیاں گزار رہے ہیں۔
