The news is by your side.

Advertisement

امریکا سے تجارتی جنگ، ٹرمپ کا چینی سفیر برائے تجارت سے ملاقات کا اعلان

واشنگٹن: چین اور امریکا کے درمیان جاری تجارتی جنگ کے خاتمے کے لیے امریکی صدر ڈونلڈ ٹرمپ نے چینی سفیر برائے تجارت ’لیو ہی‘ سے ملاقات کا اعلان کردیا۔

تفصیلات کے مطابق دونوں ممالک کے درمیان تجارتی جنگ اس وقت شدت اختیار کرگئی جب امریکا نے چین کے 28 کمپنیوں کو بلیک سلٹ کیا۔

غیر ملکی خبر رساں ادارے کے مطابق امریکی صدر ڈونلڈ ٹرمپ نے سماجی رابطے کی ویب سائٹ ٹوئٹر پر جاری بیان میں کہا ہے کہ وہ کل چینی سفیر برائے تجارت لیو ہی سے ملاقات کریں گے۔ ٹرمپ نے چین سے مذاکرات کے حوالے سے کل کا دن اہم قرار دیا ہے۔

امریکی صدر چینی سفیر سے وائٹ ہاؤس میں ملاقات کریں گے جس میں دوطرفہ تجارتی جنگ کے خاتمے کے لیے ممکنہ معاہدے پر تبادلہ خیال کریں گے۔

رواں سال اگست میں امریکی اقدامات کے جواب میں چین نے بھی بھاری ڈیوٹیز عائد کرنے کا اعلان کیا تھا۔ ٹریف میں اضافے کا اطلاق یکم ستمبر سے ہوا، امریکا اب تک 250 ارب ڈالر کی ڈیوٹیز عائد کرچکا ہے۔

تجارتی جنگ، امریکا اور چین کے درمیان کشیدگی میں اضافہ

واضح رہے کہ امریکا نے 3 اگست کو چینی مصنوعات پر 10 فیصد ٹیرف عائد کرنے کا اعلان کیا تھا اور ڈونلڈ ٹرمپ نے کہا تھا کہ تجارتی جنگ میں چین کی مزید 300 ارب ڈالر کی مصنوعات پر 10 فیصد نیا ٹیرف نافذ ہوگا ، اب تک امریکہ نےاب تک ڈھائی سوارب ڈالرکی ڈیوٹیزعائدکی ہیں۔

خیال رہے کہ امریکا اور چین کے درمیان وفود کی سطح پر متعدد بار مذاکراتی دور ہوچکے ہیں لیکن تمام بے نتیجہ رہے۔ اس دوران امریکی صدر ڈونلڈ ٹرمپ نے بھی امید ظاہر کی تھی کہ معاملات حل ہوجائیں گے۔

Comments

comments

یہ بھی پڑھیں