site
stats
عالمی خبریں

ڈونلڈ ٹرمپ کے ٹویٹس سیاست میں افراتقری پھیلا رہے ہیں‘ جان کیری

John Kerry

واشنگٹن : سابق امریکی وزیر خارجہ جان کیری کا کہنا ہے کہ امریکی صدر ڈونلڈ ٹرمپ کے ٹویٹس کے ذریعے اہم اعلانات اور پالیسی بیانات دینے سے سیاست میں افراتفری پھیل رہی ہے۔

تفصیلات کےمطابق غیر ملکی خبررساں ادارے کو انٹرویو دیتے ہوئے سابق امریکی وزیرخارجہ جان کیری نے ڈونلڈ ٹرمپ کو تنقید کا نشانہ بناتے ہوئے کہا کہ زیادہ ترامریکی ڈونلڈ ٹرمپ کے ٹویٹس کوحقیقی ڈائیلاگ کے لیے تباہ کن سمجھتے ہیں۔

جان کیری نے کہا کہ امریکی صدر ڈونلڈ ٹرمپ ٹویٹر کو ایک پلیٹ فارم کے طور پراستعمال کرتے ہیں جہاں وہ ملکی،غیر ملکی پالیسیوں میں تبدیلی سے متعلق اہم اعلانات، بیانات کے ساتھ ساتھ مخالفین کو تنقید کا نشانہ بھی بناتے ہیں۔

سابق امریکی وزیرخارجہ جان کیری نے کہا کہ امریکی صدر کی جانب سے اس طرح کے ٹویٹس ناقابل برداشت ہیں۔

یاد رہے کہ رواں سال 13 جون کو ڈیموکریٹک قانون ساز مائیک کوئگلی نے کوو فیفی کے نام سے ایک مجوزہ بل پیش کیا تھا اگر وہ قانون بن جائے تو امریکی صدر کے ٹویٹس کو صدارتی ریکارڈ کے طور پر محفوظ کیا جائے گا۔

واضح رہے کہ ہاؤس آف انٹیلی جنس کے رکن مائیک کوئگلی کا کہنا تھا کہ اگر امریکی صدر اچانک عوامی پالیسی کےاعلانات کے لیے سوشل میڈیا کا استعمال کرتے ہیں تو ہمیں یہ یقینی بنانا چاہیے کہ یہ بیانات مستند ہیں اور وہ مستقبل کے حوالے محفوظ رہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top