امریکا کے صدر ڈونلڈ ٹرمپ نے حماس کے اس اعلان کا خیرمقدم کیا ہے جس میں کہا گیا ہے کہ اسرائیلی امریکی عدن الیگزینڈر کو رہا کیا جائے گا۔
غیر ملکی ذرائع ابلاغ کے مطابق امریکا کے صدر ڈونلڈ ٹرمپ کا مزید کہنا تھا کہ امید ہے کہ تمام یرغمالی رہا کیے جائیں گے اور جنگ کا خاتمہ ہوجائے گا۔
فرانسیسی خبر رساں کا اس حوالے سے کہنا ہے کہ حماس کی جانب سے اتوار کے روز عدن الیگزینڈر کو رہا کرنے کا اعلان کیا گیا تھا۔
امریکی صدر نے اس پر ردعمل دیتے ہوئے ایک سوشل میڈیا پوسٹ میں لکھا کہ ’میں ان تمام لوگوں کا مشکور ہوں، جنہوں نے اس خبر کو یادگار بنانے میں بنیادی کردار ادا کیا۔
اس رہائی کو نیک نیتی کا اشارہ قرار دیتے ہوئے ٹرمپ کا کہنا تھا کہ امید ہے کہ یہ قدم ان ضروری اور حتمی اقدامات میں سے پہلا ہو گا جو اس وحشیانہ تنازع کو ختم کرنے لیے ضروری ہیں۔
عدن الیگزینڈر بھی ان یرغمالیوں میں شامل ہے جسے حماس کی جانب سے اسرائیل پر حملے کے وقت غزہ سے پکڑا گیا تھا۔
واضح رہے کہ حماس کی جانب سے اعلان کیا گیا ہے کہ وہ غزہ میں قید اسرائیلی – امریکی قیدی فوجی عیدان الیگزینڈر کو رہا کر دے گی۔
حماس کی جانب سے یہ اعلان دوحہ میں امریکہ کے ساتھ براہ راست مذاکرات کے اعلان کے فوراً بعد سامنے آیا ہے، ان مذاکرات میں جنگ بندی اور غزہ میں امداد کی ترسیل پر تبادلہ خیال کیا گیا۔
ڈونلڈٹرمپ قطر سے قیمتی ترین تحفہ لینے کو تیار
حماس کے وفد کے سربراہ کا کہنا تھا کہ جنگ بندی، گزرگاہیں کھولنے اور غزہ کی پٹی میں ہمارے عوام کے لیے امداد اور ریلیف کی فراہمی کے لیے کی جانے والی کوششوں کے تحت اسرائیلی – امریکی قیدی دوہری شہریت کے حامل فوجی عیدان الیگزینڈر کو رہا کیا جائے گا۔
