امریکی صدر ڈونلڈ ٹرمپ کے لئے بری خبر سامنے آگئی، وفاقی جج نے شہریت کے پیدائشی حق کو منسوخ کرنے سے متعلق حکمنامہ عارضی طور پر معطل کردیا۔
بین الاقوامی خبر رساں ادارے کی رپورٹ کے مطابق ایری زونا، الی نوائے، اوریگن اور واشنگٹن ریاستوں نے عدالت کے سامنے معاملہ اٹھایا تھا۔
جج نے دوران سماعت انتظامیہ کے وکیل سے سوال کیا کہ وکلا کہاں تھے جب ٹرمپ کی ٹیم اس صدارتی حکمنامے کا مسودہ تیار کررہی تھی۔
جج کا کہنا تھا کہ اس حکمنامے کی آئینی حیثیت کی وکالت کے دعوے نے دماغ چکرا دیا، چودہویں آئینی ترمیم کے تحت امریکا میں پیدا ہونے والا تقریباً ہر بچہ خود بخود شہریت کا حقدار قرار پاتا ہے۔
جج کی جانب سے ڈونلڈ ٹرمپ کا اقدام یکسر غیر آئینی قرار دیدیا گیا، مزید کارروائی تک صدارتی حکمنامہ 14روز کیلئے التوا میں ڈال دیا گیا۔
دوسری جانب ورلڈ اکنامک فورم میں ورچوئل خطاب کے دوران ٹرمپ نے عالمی رہنماؤں کے سامنے کھل کر کینیڈا سے متعلق اپنے عزائم کا اعادہ کیا۔
انہوں نے دوٹوک کہا کہ ہمیں کینیڈا کے آئل، گیس، گاڑیوں اور دیگر ایکسپورٹ کی ضرورت نہیں ہے اگر کینیڈا ہماری 51 ویں ریاست بن جائے تو اس پر ٹیرف نافذ نہیں کریں گے۔
ٹرمپ نے یہ کہتے ہوئے دعویٰ کیا ہے کہ دنیا میں شاید ہی کوئی ایسی قوم ہو”جو تجارت کے معاملے میں امریکا کے ساتھ منصفانہ سلوک کرے، وہ اپنی ٹیرف پالیسی کے ذریعے قومی قرضوں کو ”مٹا دیں گے”۔
یوکرین پر روس کے حملے کے بعد ٹرمپ نے ایک بار پھر پیوٹن کے ساتھ فون کرنے کی اپیل کی اور کہا ہے کہ روس مذاکرات کرنا چاہ رہا ہے۔
ٹرمپ کیخلاف کس ملک نے شکایت درج کروا دی؟
چین کے بارے میں، ٹرمپ کا کہنا ہے کہ وہ COVID-19 وبائی امراض کے دوران کشیدہ تعلقات کے باوجود چینی صدر شی جن پنگ کو ”ہمیشہ پسند”کرتے ہیں، ان کی انتظامیہ ”چین کے ساتھ بہت اچھا کام کرنے اور چین کے ساتھ مل کر کام کرنے کی منتظر ہے۔
ٹرمپ کا کہنا ہے کہ یوکرین پر روس کے حملے کو ختم کرنے میں چین اہم کردار ادا کر سکتا ہے۔
