کالعدم ٹی ٹی پی خوارج کا ایک اور اہم سرغنہ افغانستان کے علاقے کنڑ میں واصل جہنم ہوگیا۔
ذرائع کا کہنا ہے کہ کالعدم ٹی ٹی پی شوریٰ ملاکنڈ کا رکن عبدالمنان عرف حکیم اللہ افغانستان کے ضلع اسد آباد میں ہلاک ہوا، عبدالمنان کو نامعلوم افراد نے فائرنگ کر کے ہلاک کیا۔
ذرائع کے مطابق کالعدم ٹی ٹی پی اور منسلک دہشتگرد گروپس میں اندرونی اختلافات شدت اختیار کرگئے ہیں، کالعدم ٹی ٹی پی کی آپسی لڑائی میں آئے روز اہم کمانڈرز کی پراسرار ہلاکتیں ہورہی ہیں۔
اہم دہشتگرد سرغنہ کی ہلاکت کالعدم ٹی ٹی پی کی افغانستان میں موجودگی کا واضح ثبوت ہے، عبدالمنان باجوڑ میں دہشتگرد کارروائیاں تشکیل دینے میں کلیدی کردار ادا کرتا تھا۔
ہلاک دہشتگرد باجوڑ میں ٹارگٹ کلنگ،بارودی سرنگ دھماکوں میں ملوث تھا، اس کے علاوہ چیک پوسٹوں پرفائرنگ، بھتہ خوری و دیگر دہشتگرد کارروائیوں میں بھی ملوث تھا۔
دہشتگرد عبدالمنان کالعدم ٹی ٹی پی کے عظمت اللہ محسود اور ولی مالاکنڈ کا دست راست تھا، جس نے 2007 میں کالعدم ٹی ٹی پی میں شمولیت اختیار کی تھی۔
ہلاک دہشتگرد عبدالمنان کو 2014میں افغان حکومت نے ننگر ہار سے گرفتار کیا تھا، افغان طالبان کے کابل پر قبضے کے بعد2021 میں دہشتگرد عبدالمنان کو بھی رہا کیا گیا تھا۔
دہشتگرد عبدالمنان کے بھائی طارق عرف اسد کا تعلق بھی کالعدم ٹی ٹی پی سے ہے، کالعدم ٹی ٹی پی اہم سرغنہ عبدالمنان کی ہلاکت کو تنظیم کیلئے بڑا دھچکا قرار دے رہی ہے۔
لیپ ٹاپ پھٹنے سے گھر میں آگ لگ گئی، 2 بچے جاں بحق
دہشت گرد عبدالمنان کی ہلاکت سے واضح ہو گیا افغان سرزمین مسلسل پاکستان کیخلاف استعمال ہورہی ہے، افغان طالبان کالعدم ٹی ٹی پی کے خوارجیوں کو محفوظ پناہ گاہیں مہیاکر رہے ہیں۔
