شوبز انڈسٹری کی معروف اداکارہ طوبیٰ انور نے بتایا ہے کہ انہیں کیسے جیون ساتھی کی تلاش ہے۔
اداکارہ طوبیٰ انور نے حال ہی میں نجی ٹی وی کے پروگرام میں شرکت کی اور اس دوران انہوں نے مختلف موضوعات پر اپنی رائے کا اظہار کیا۔
ان سے سوال کیا گیا کہ مثالی شخص میں کونسی خوبیاں دیکھتی ہیں؟
جواب میں اداکارہ نے کہا کہ میری زندگی میں ایسا کوئی شخص نہیں ہے لیکن اگر کسی آئیڈیل شخص کے بارے میں سوچیں تو اسے اچھا انسان، دانشور اور عاجز مزاج ہونا بہت ضروری ہے۔
طوبیٰ انور نے یہ بھی کہا کہ جیون ساتھی دراز قد ہونا چاہیے۔
انہوں نے کہا کہ شوبز میں کام کرنے کے ساتھ ساتھ تعلیم پر توجہ دے رہی ہیں تاہم شوٹنگز کی وجہ سے زیادہ تر یونیورسٹی جانے کا وقت نہیں ملتا لیکن اس کے باوجود وقت نکال کر پڑھائی کرتی ہوں۔
واضح رہے کہ طوبیٰ انور اے آر وائی ڈٰجیٹل کے ڈرامہ سیریل ’بے بی باجی کی بہوئیں‘ میں ’فرحت‘ کا کردار نبھا رہی ہیں۔
ڈرامے کی کاسٹ میں حسن احمد، سنیتا مارشل، جویریہ اور سعود قاسمی، جنید جمشید نیازی، فضل حسین شامل ہیں جبکہ سیکوئل میں افضل خان المعروف جان ریمبو، مدیحہ افتخار، رمہا احمد، اسما عباس بھی اداکاری کے جوہر دکھا رہے ہیں۔
بے بی باجی کی بہوئیں کی ہدایت کاری کے فرائض تحسین خان نے انجام دیے ہیں۔
