لندن: شمالی لندن میں ٹیوب اسٹیشن دھماکے سے تعلق کے شبے میں مشتبہ شخص کو گرفتار کرلیا گیا، پولیس نے واقعہ کو دہشت گردی قرار نہیں دیا تھا۔
غیر ملکی خبر رساں ادارے کے مطابق شمالی لندن میں ٹیوب اسٹیشن دھماکے سے تعلق کے شبے میں 23 سالہ مشتبہ شخص کو حراست میں لے لیا گیا ہے، گرفتار شخص کی شناخت ظاہر نہیں کی گئی ہے۔
[bs-quote quote=”لندن پولیس نے واقعے میں دہشت گردی کا امکان مسترد کردیا تھا ” style=”style-2″ align=”left”][/bs-quote]
برطانوی میڈیا کے مطابق دھماکا شارٹ سرکٹ کی وجہ سے ہوا تھا جبکہ پولیس نے واقعہ کو دہشت گردی قرار نہیں دیا تھا۔
واضح رہے کہ برطانیہ کے شہر لندن کے ٹیوب اسٹیشن پر دھماکے سے 5 افراد زخمی ہوگئے تھے، جس کے بعد اسٹیشن خالی کرالیا گیا تھا۔
پولیس کے مطابق دھماکا ایک مشتبہ پیکٹ میں ہوا تھا، زخمیوں میں کسی کی حالت تشویشناک نہیں تھی، پولیس نے واقعے میں دہشت گردی کا امکان مسترد کردیا تھا۔
یاد رہے کہ لندن ایمبولینس سروس انتظامیہ کا کہنا تھا کہ دھماکے میں زخمی ہونے والوں کو اسپتال منتقل کردیا گیا ہے، زخمیوں کی حالت خطرے سے باہر ہے۔
