پھول ہیں یا پریاں قطار اندر قطار __ خوش رنگ گُل لالہ نے ماحول نکھار دیا ہے، قوس وقزح کے رنگ بکھیرتے لالہ کے پھولوں کی نمائش دیکھنے والے فطرت کی رنگینیوں میں کھو گئے۔
روئٹرز کے مطابق برطانیہ میں بھی میں ٹیولپ سے ہر سو رنگوں کی بہار آ گئی، حدِ نگاہ تک قوس قزح کے رنگ بکھر گئے، گل لالہ کے دل کش نظاروں نے دنیا خوب صورت بنا دی۔
گلابی، سفید، آتشی اور، سرخ رنگ کے پھولوں سے فضا معطر ہو گئی، بھینی بھینی خوشبوؤں سے مہکتے پھولوں نے ماحول کو دل فریب بنا دیا ہے۔
