نئی دہلی: چند روز قبل شوٹنگ کے دوران خودکشی کرنے والی بھارتی اداکارہ تونیشا شرما موت کے بعد اپنی والدہ کے لیے خطیر رقم چھوڑ گئی، پولیس کیس کی تحقیقات میں مصروف ہے۔
بھارتی میڈیا کے مطابق 24 دسمبر کو سیٹ کے میک اپ روم میں پنکھے سے لٹک کر خودکشی کرنے والی اداکارہ تونیشا کی 15 کروڑ روپے کی جائیداد سامنے آئی ہے جو اب ان کی والدہ کی ہوچکی ہے۔
بھارتی میڈیا رپورٹ کے مطابق 20 سالہ تونیشا 13 برس کی عمر سے کام کر رہی تھی، اور اپنی زندگی کے آخری لمحات تک اس کا شیڈول نہایت مصروف تھا۔
تونیشا نے بے شمار ٹی وی شوز، فلموں اور میوزک ویڈیوز میں کام کیا تھا جس کی وجہ سے وہ اپنی ماں کے ساتھ خوشحال زندگی گزار رہی تھی۔
بھارتی میڈیا کے مطابق خودکشی کیس میں اداکارہ کے سابق بوائے فرینڈ شیزان خان کو پولیس نے حراست میں لے رکھا ہے، میڈیا رپورٹس کے مطابق دونوں کا 15 روز قبل ہی تعلق ختم (بریک اپ) ہوا تھا۔
بھارتی میڈیا کا کہنا ہے کہ شیزان نے اداکارہ سے شادی کا وعدہ کر رکھا تھا تاہم اس نے وعدہ خلافی کی اور تعلق ختم کرلیا جس سے دلبرداشتہ ہو کر اداکارہ نے انتہائی قدم اٹھا لیا۔
