تربت: بلوچستان کے علاقے تربت میں ایئرپورٹ روڈ پر فٹبال میچ کے دوران اسٹیڈیم میں دھماکا ہوا ہے۔
اے آر وائی نیوز کے مطابق تربت میں ایئرپورٹ روڈ پر فٹبال میچ کے دوران دھماکے کے بعد اسٹیڈیم میں بھگدڑ مچ گئی۔
پولیس کے مطابق دھماکے میں کوئی جانی نقصان نہیں ہوا ہے جبکہ سیکیورٹی فورسز نے علاقے کو گھیرے میں لے لیا۔
- Advertisement -
پولیس کا کہنا ہے کہ دھماکے کی نوعیت معلوم کی جارہی ہے۔
واضح رہے کہ اس سے قبل تربت کے سنیما بازار میں دھماکے کے نتیجے میں چار افراد زخمی ہوگئے تھے۔
پولیس حکام کا کہنا تھا کہ حملے سے ایسا لگتا ہے کہ عسکریت پسند تربت کے علاقے میں ایف سی کی چیک پوسٹ کو نشانہ بنانا چاہتے تھے۔
دھماکے میں زخمی ہونے والوں کو ڈسٹرکٹ ہیڈکوارٹر اسپتال تربت منتقل کردیا گیا تھا۔ جہاں انہیں طبی امداد فراہم کی گئی۔
