راولپنڈی: آرمی چیف جنرل قمر جاوید باجوہ نے ترک سفیر صادق بابر گرگن سے ملاقات کی اور سبکدوش ہونے والے ترک سفیر کی خدمات کی تعریف کی۔

پاک فوج کے شعبہ تعلقات عامہ آئی ایس پی آر کے مطابق پاکستان میں متعین ترک سفیرصدیق بابر نے جی ایچ کیو راولپنڈی کا دورہ کیا اور آرمی چیف جنرل قمر جاوید باجوہ سے الوداعی ملاقات کی۔

ملاقات میں علاقائی سیکیورٹی اورباہمی دلچسپی کے امور پر بات چیت ہوئی اور اہمی تعلقات کو مزید وسعت دینے پر اتفاق ہوا۔

اس موقع پر آرمی چیف قمر جاوید باجوہ نے سبکدوش ہونے والے ترک سفیرکی خدمات کی تعریف کی۔

مزید پڑھیں : آرمی چیف کی جانب سے ’خوشحال بلوچستان‘ پیکج کا آغاز

گذشتہ روز آرمی چیف جنرل قمر جاوید باجوہ نے کوئٹہ میں اعلیٰ سطح کے اجلاس میں شرکت کے بعد ’خوشحال بلوچستان‘ پیکج کا آغاز کیا تھا۔

ڈی جی جی آئی ایس پی آر میجر جنرل آصف غفور کا کہنا ہے کہ خوشحال بلوچستان پروگرام کا آغاز کردیا گیا ہے جس کا مقصد بلوچستان میں معاشی اور سماجی استحکام لانا ہے جبکہ پروگرام کا مقصد سیکورٹی صورت حال کو بھی مستحکم بنانا ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔