انقرہ: ترک صدر رجب طیب اردگان نے کہا ہے کہ مسلم ممالک کے معاملے اور انسداد دہشت گردی کے لیے پاکستان کا کردار بہت اہم ہے، پاک ترک کثیر الجہتی تعاون کا اثر مسلم دنیا پر پڑے گا، یہ بات ترک صدر نے آرمی چیف سے ملاقات میں کہی۔
پاک فوج کے شعبہ تعلقات عامہ سے جاری بیان میں کہا گیا ہے کہ آرمی چیف جنرل قمرجاویدباجوہ کی ترک صدرسےملاقات جس میں خطےکی سیکیورٹی،باہمی دلچسپی کےامور پرتبادلہ خیال کیا گیا۔
COAS met Turkish President. "Islamic Countries can contribute immensely towards global peace & stability. OIC offers a platform”. (1 of 2) pic.twitter.com/y1UlxkHFEr
— Maj Gen Asif Ghafoor (@OfficialDGISPR) June 21, 2017
آئی ایس پی آر کے مطابق ترک صدرنےدہشت گردی کےخلاف پاک فوج کی قربانیوں کوسراہا، جس پر آرمی چیف جنرل قمر جاوید باجوہ نے ترک صدر کا شکریہ ادا کرتے ہوئے خطے میں امن کے لیے ترکی کی کوششوں کو سراہا اور ایک دوسرےکی حمایت جاری رکھنےپراتفاق کیا گیا۔
پڑھیں: آرمی چیف قمر باجوہ کے لیے ترکی کا اعلیٰ ترین اعزاز
اس موقع پر ترک صدر نے کہا کہ اسلامی ممالک عالمی امن و استحکام میں کردار ادا کرسکتے ہیں، او آئی سی عالمی امن میں مؤثر پلیٹ فارم ثابت ہوسکتا ہے، اسلامی ممالک سمیت دنیا بھر کے ملکوں کو تنازعات اور اختلافات کو مذاکرات کے ذریعے حل کرنا چاہیے۔
COAS-Turkish President. "Turkey and Pakistan can always count on each other’s unconditional and sincere support”. (2 of 2) pic.twitter.com/t1Y8DFYoL9
— Maj Gen Asif Ghafoor (@OfficialDGISPR) June 21, 2017
انہوں نے کہا کہ پاکستان اور ترکی کے تعلقات اور تعاون سے مسلم دنیا پر گہرا اثر پڑے گا کیونکہ مسلم ممالک کے معاملات میں پاکستان کا کردار شروع سے بہت اہم رہا ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
