The news is by your side.

Advertisement

شوٹنگ میں‌ مصروف دو ترک اداکار کرونا سے متاثر

انقرہ: ترک ڈرامے کی شوٹنگ میں مصروف 2 اداکاروں کو کرونا وائرس کی تشخیص ہوئی ہے۔

مقامی میڈیا رپورٹ کے مطابق ڈرامے میں مرکزی کردار ادا کرنے والی اداکارہ کو کرونا کی تشخیص ہوئی جس کے چند روز بعد اداکار بوراک دنیز کو بخار، نزلے اور کھانسی کی شکایت ہوئی۔

اداکار نے معالج سے رجوع کیا تو ڈاکٹر نے انہیں کرونا ٹیسٹ کروانے کی تجویز دی، اس پر عمل کرتے ہوئے جب انہوں نے ٹیسٹ کروایا تو رپورٹ پازیٹیو آئی۔

بوراک نے کرونا کی تشخیص کے بعد خود کو گھر میں ہی قرنطینہ کرلیا جبکہ انہوں نے ملاقات کرنے والوں سے بھی درخواست کی کہ اگر انہیں علامات ہوں تو ٹیسٹ کروائیں ورنہ چند روز خود کو گھر تک محدود رکھیں۔

میڈیا رپورٹ کے مطابق دنیز  اور  اداکارہ ہیزل کایا کو ایک ایسے وقت میں کرونا کی تشخیص ہوئی جب وہ ڈرامے کی شوٹنگ میں مصروف تھے، ہدایت کار نے دیگر اداکاروں سمیت عملے کے کرونا ٹیسٹ کروانے کا فیصلہ کیا ہے۔

 

View this post on Instagram

 

A post shared by Burak Deniz (@_burakdeniz)

ترک اداکاروں نے اس حوالے سے اب تک کوئی تصدیقی یا تردیدی بیان جاری نہیں کیا ہے۔ میڈیا رپورٹ کے مطابق ڈرامے میں مرکزی کردار ادا کرنے والی اداکارہ ہیزل کایا کو بھی کرونا کی تشخیص ہوئی ، جس کے بعد انہوں نے خود کو گھر میں قرنطینہ کرلیا ہے۔

Comments

یہ بھی پڑھیں