ترکی: منی لانڈرنگ کے ملزمان کے لیے بڑے پیمانے پر چھاپے، 280 افراد گرفتار
The news is by your side.

Advertisement

ترکی: منی لانڈرنگ کے ملزمان کی گرفتاری کے لیے بڑے پیمانے پر چھاپے، 280 افراد گرفتار

انقرہ: ترکی میں منی لانڈرنگ کے ملزمان کی گرفتاری کے لیے بڑے پیمانے پر چھاپوں کا سلسلہ جاری ہے، اب تک 280 افراد گرفتار ہوچکے ہیں۔

تفصیلات کے مطابق ترکی میں منی لانڈرنگ کرنے والوں کے گرد قانون کا گھیرا تنگ ہوگیا، پولیس کی جانب سے چھاپوں کے دوران 280 افراد گرفتار ہوگئے۔

غیر ملکی خبر رساں ادارے کے مطابق ترک استغاثہ کی جانب سے ترکی سے غیر قانونی طور پر بیرون ملک رقوم منتقل کرنے والے 417 افراد کے وارنٹ گرفتار جاری کیے گئے ہیں۔

ترک حکام کے مطابق اب تک دوسواسی افراد کی گرفتاری عمل میں آئی ہے، جن افراد کے وارنٹ گرفتاری جاری کیے گئے ہیں، ان پر الزام ہے کہ انہوں نے دو اعشاریہ پانچ ارب لیرا کی رقوم امریکا منتقل کی تھیں۔

امریکا سے تنازع ترک کرنسی پر اثرانداز ہونے لگا، لیرا کی قدر میں ریکارڈ کمی

خیال رہے کہ ترک کرنسی لیرا کو اس وقت اپنی قدر میں کمی کے بحران کا سامنا ہے، رواں برس ترک لیرا کی امریکی ڈالر کے مقابلے میں قدر چالیس فیصد کم ہوئی ہے، ترک حکام نے اس بحران کا الزام امریکا پر عائد کیا ہے۔

یاد رہے کہ ترکی اور امریکا کے درمیان کئی دنوں سے ایک ایسا تنازع کافی شدت اختیار کر چکا ہے، جس کی وجہ ماضی قریب میں ترکی میں ایک امریکی پادری کی گرفتاری بنی تھی۔

ترکی میں گرفتار امریکی پادری پر یہ الزام ہے کہ وہ ترکی میں دہشت گرد کارروائیوں میں ملوث ہے، تاہم امریکا نے مذکورہ الزامات کی تردید کی ہے۔

Comments

comments

یہ بھی پڑھیں