انقرہ: ترک حکام یوم پاکستان کی خوشی میں عطا کلے ٹاور اور استنبول کے اہم پل پر سبز ہلالی پرچم کو زینت بنا کر دوستی کا ایک بار پھر حق ادا کردیا۔
تفصیلات کے مطابق 23 مارچ کو ملک بھر میں ’یومِ پاکستان‘ ملی جوش و جذبے سے منایا جائے گا جس کے تحت دنیا بھر میں رہنے والے پاکستانی قرارداد پاکستان کے عہد کو دہرائیں گے۔
یومِ پاکستان کی مرکزی تقریب اسلام آباد کے پریڈ گراؤنڈ میں منعقد ہوگی جس میں پاکستان کی تینوں مسلح افواج کے دستوں سمیت، چین ، سعودی عرب اور دیگر ممالک کے فوجی بھی اپنی صلاحیتوں کا مظاہرہ کریں گے۔
مزید پڑھیں: یوم پاکستان پر بھارتی وزیراعظم مودی کا عمران خان کو نیک خواہشات کا پیغام
ترک حکام نے ایک بار پھر پاکستان سے دوستی کا حق نبھاتے ہوئے قومی پرچم اور پاکستان کے حق میں الفاظ کو بلند و بالا عمارت کی زینت بنا دیا۔
In honor of Pakistan’s National Day March 23rd, the Atakule tower in the capital city of Ankara, Turkey is lit up green with slogans of @PakTurkey friendship. 🇵🇰 🇹🇷 #Pakistan2019 pic.twitter.com/BOCwhjPRJz
— Muhammad Huzaifa 🇵🇰 (@Huzzyviews) March 22, 2019
سوشل میڈیا پر شیئر ہونے والی ویڈیو میں دیکھا جاسکتا ہے کہ سبز ہلالی پرچم کو دارالحکومت انقرہ میں واقع مشہور بلند و بالا عمارت کی زینت بنایا گیا جبکہ ’جیوے جیوے پاکستان‘ کا نعرہ بھی درج کیا گیا۔
Istanbul Bridges connecting Asia with Europe to be illuminated in Pakistan Flag colors
Via @PakTurkey#23March #PakistanDay pic.twitter.com/uc2s2Fqhvb
— Saqib K Khan 🇵🇰 (@7Saqib) March 22, 2019
علاوہ ازیں استنبول میں واقع ایشیا سے یورپ کو ملانے والے پُل پر بھی سبزہلالی رنگوں سے مماثلث رکھتے برقی قمقمے روشن کیے گئے۔
