استنبول: ترکی کے شہراستنبول کے اتاترک ائیرپورٹ پرتین خودکش دھماکوں میں اکتالیس افراد ہلاک اور دو سو تیس افرادزخمی ہوگئے، خودکش دھماکوں کی پاکستان سمیت دنیا بھرکے کئی ممالک نے مذمت کی ہے۔
یورپ کا تیسرا مصروف ترین استنبول کا اتاترک ائیرپورٹ گزشتہ روز دہشتگردی کا نشانہ بنا، جہاں تین خودکش حملہ آوروں نے ائیرپورٹ میں داخل ہونے کوشش کی جسے سیکورٹی فورسز نے روکا تو آوروں نے خود کواڑا لیا۔
حملہ آوروں نے دھماکوں سے پہلے فائرنگ بھی کی، دھماکوں سے ائیرپورٹ پرافراتفری اورخوف وہراس پھیل گیا،عینی شاہد کا کہنا ہے پہلے زوردار دھماکا ہوا اورفائرنگ بھی ہوئی، ترک میڈیا کے مطابق حملوں میں ہلاک وزخمی ہونے والے بیشتر ترک ہیں تاہم کچھ غیرملکی بھی شامل ہیں۔
ترک صدرطیب اردوان کا عالمی برادری پر دہشت گردی کےخلاف فیصلہ کن موقف اختیارکرنے پر زور دیا ہے۔
ترک وزیراعظم بن علی یلدرم کا کہنا ہے خودکش حملوں میں داعش کے ملوث ہونے کے ثبوت ملے ہیں۔
وزیراعظم نواز شریف نے استنبول دھماکوں کی مذمت کرتے ہوئے کہا کہ دکھ کی گھڑی میں ترک عوام کےساتھ ہیں۔
امریکی صدربراک اوباما نے متاثرہ خاندانوں سے ہمدردی کا اظہارکیا ۔
برطانوی وزیرخارجہ کا کہنا تھا مشکل وقت میں ترکی کے ساتھ ہیں۔
اقوام متحدہ کے سیکریٹری جنرل بان کی مون نے خودکش حملوں کی شدید مذمت کرتے ہوئے عالمی برادری پردہشتگردی کے خاتمے کے لئے کوششیں تیز کرنے پرزوردیا۔
