ترکیہ میں صدارتی انتخابات کے دوسرے مرحلے رن آف میں ووٹوں کی گنتی کا عمل جاری ہے اور ابتدائی غیرحتمی نتائج میں صدر طیب اردوان آگے ہیں۔

ترکیہ میں صدارتی انتخابات کے لیے رن آف مرحلے میں ووٹ ڈالے گئے ووٹوں میں 66 فیصد بیلٹ باکس کھولے گئے ہیں جس میں صدر اردوان کو برتری حاصل ہے۔

سرکاری نیوز ایجنسی انادولو کے مطابق طیب اردوان نے اب تک 54.8 ووٹ حاصل کیے ہیں جب کہ ان کے مدمقابل اپوزیشن حریف قلیچ دار اوغلو 45.2 فیصد ووٹوں کے ساتھ دوسرے نمبر پر ہیں۔

نیوز ایجنسی کا کہنا ہے کہ رن آف مرحلے میں ووٹر ٹرن آؤٹ 85.24 فیصد رہا ہے۔ ماہرین اور تجزیہ کاروں کا کہنا ہے کہ مزید رزلٹ آنے کے بعد امیدواروں کے نتائج میں فرق کم ہوتا جائے گا۔

صدر اردوان نے اپنے ووٹرز اور سپورٹرز کے نام پیغام میں کہا ہے کہ بیلٹ باکس کی حفاظت کریں۔