انقرہ: ترکی نے مقامی طور پر تیار کردہ مسلح ڈرون واٹر بوٹ سے پہلا کامیاب فائر کر کے دشمن کو بتا دیا ہے کہ اس کے دفاعی سسٹم کو کمزور سمجھنے کی غلطی بھاری پڑ سکتی ہے۔
تفصیلات کے مطابق ترکی کی وزارت دفاع نے کہا ہے کہ بحیرہ ایجئین اور مشرقی بحیرہ روم میں جاری دینیز کُردُو 2021 فوجی مشقوں میں قومی وسائل سے تیار کی گئی SIDA پہلے فائر میں اپنے ہدف کو نشانہ بنانے میں کامیاب رہی ہے۔
اس سلسلے میں ترکی کی وزارت دفاع نے سرکاری ٹویٹر پیج پر ویڈیو بھی جاری کی، جس میں ڈرون واٹر بوٹ اپنے ہدف کو کامیابی سے نشانہ بنا رہی ہے۔
ادھر ترکی کے صدر رجب طیب اردوان نے قومی اسمبلی میں پارلیمانی پارٹی گروپ سے خطاب میں کہا کہ ترکی کے مقامی طور پر تیار کردہ بغیر پائلٹ جنگی طیارے 2023 میں آسمانوں پر پرواز کریں گے۔
Yerli ve millî #Cirit füzesi atan yerli ve millî Silahlı İnsansız Deniz Aracı’nın (SİDA), yerli ve millî İHA ile çekilen DENİZKURDU-2021 Tatbikatı’ndaki ilk harp başlıklı atış görüntüleri…#Denizkurdu2021 🇹🇷 https://t.co/QHPV3zud1L pic.twitter.com/qkddwe49tq
— T.C. Millî Savunma Bakanlığı (@tcsavunma) May 27, 2021
انھوں نے بتایا کہ ترکی نے پولینڈ کو مسلح ڈرونز فروخت کرنے کا معاہدہ بھی کیا ہے جو کہ اپنی نوعیت کا پہلا معاہدہ ہے، اور اس وقت ترکی سمیت چار مختلف ممالک میں 180 عدد ترک بائراکتار ڈرونز خدمات فراہم کر رہے ہیں۔
ترکی کا حیران کن کارنامہ، دشمن کی نیندیں اڑ گئیں
ترک صدر نے یہ بھی کہا بحیرہ اسود میں 405 ارب کیوبک میٹر گیس کی دریافت کے بعد خشکی کے علاقے میں بھی ایک ماہ کے دوران تیل کے تین نئے کنویں دریافت ہوئے ہیں۔
